Şýchınsk qalasynda kúshti jel úıdiń shatyryn ushyryp, áınekterdi syndyrdy
21:25, 07 Shilde 2023
ŞÝChINSK. QazAqparat - Aqmola oblysynyń Býrabaı aýdanynda nóser jaýyn men kúshti jelden keıin kópqabatty úıdiń shatyry ushty, dep habarlaıdy QazAqparat.
Bul jaıynda jergilikti ákimdik málimet taratty.
«Búgin 7 shilde saǵat 16:44-te Býrabaı aýdanynyń Şýchınsk qalasynda qatty ekpindi jel Lomonosov kóshesi, 22 mekenjaıyndaǵy bes qabatty úıdiń shatyryn ushyryp áketti. Onyń janynda ornalasqan Internatsıonalnaıa kóshesi, 59-úıdiń 8 páteriniń terezesi men balkonynyń áınegi syndy. Adamdar arasynda zardap shekkender men qaza tapqandar joq» dep habarlady Býrabaı aýdanynyń ákimdigi.
Qalanyń búkil qyzmetteri tótenshe jaǵdaı saldarymen jumys istep jatyr. Bul iske 14 adam jáne 4 tehnıka jumyldyrylǵan.