Şýcheniń birqatar shaǵynaýdany jaryqsyz qaldy, monterler jumys isteýde
«Kókshetaý energo» jaýapkershiligi shekteýli seriktestigi baspasóz qyzmetiniń málimetinshe, túnde jaýǵan qar aralas jańbyrdyń saldarynan birqatar eldi mekendi elektr jaryǵymen qamtamasyz etýde qıyndyqtar týǵan. Qazirgi kezde mamandar bul máseleni sheshý úshin jumys isteýde.
«Túnde jaýǵan qar aralas jańbyrdyń saldarynan elektr jelisinde apat shyǵyp, Şýche qalasynyń shetki aýdandaryndaǵy abonentter elektr jaryǵynan ajyratyldy. Qazirgi kezde aqaýdy joıý boıynsha Şýche aýdanaralyq elektr jelileriniń 5 brıgadasy men 10 arnaıy tehnıkasy jumys isteýde. Birqatar abonentterge búgin tańerteń elektr jaryǵy berildi. Qalǵan abonentter búgin túske deıin elektr jaryǵymen qatamasyz etiledi», - dep túsindirdi «Kókshetaý energo» JShS baspasóz hatshysy Erkin Seıitov.
Aıta ketsek, búgingi tańda Şýchınsk qalasynda elektr jelilerin jańǵyrýt boıynsha josparly jumystar júrgizilýde. Sol sebepti, qazannyń 17-22 aralyǵynda Şýche qalasynyń Zelenaıa, Karerskaıa, Lýgovaıa, Odesskaıa, Moskovskaıa kóshelerinde elektr jaryǵy 6 saǵatqa óshirildi.
Aıta ketsek, Býrabaı aýdanynda shıpajaıdan órt shyqqan edi.Ashyq kózderden alynǵan foto