Scat kompanııasy Bek Air jolaýshylaryn 2020 jyldyń qańtaryna deıin tasymaldamaq

NUR-SULTAN. QazAqparat- SCAT áýe kompanııasy Bek Air jolaýshylaryn kelesi jyldyń qańtar aıyna deıin tasymaldaýdy kózdep otyr, dep habarlaıdy QazAqparat áýe kompanııasynyń baspasóz qyzmetine silteme jasap.

«SCAT áýe kompanııasy Bek Air kompanııasynyń jolaýshylaryn tasymaldaýǵa kómektesý merzimin 2020 jyldyń 31 qańtaryna deıin uzartty»,-delingen habarlamada.

Baspasóz qyzmeti Bek Air jolaýshylaryn tasymaldaý bos oryn bolǵanda ǵana júzege asyrylatynyn aıtady.

«Tasymaldy úzege asyrý úshin Bek Air kompanııasyna habarlasý kerek, sodan soń reısterge bólý bastalady»,-dep qosty baspasóz qyzmeti.

Aıta keteıik, 27 jeltoqsanda Almaty-Nur-Sultan baǵytymen ushyp bara jatqan Bek Air kompanııasynyń 2100 reısi kenet apatqa ushyrap, beton qorshaýdy buzyp ótti. Artynan ushaq ekiqabatty ǵımaratpen soqtyǵysyp, 12 adam qaza boldy.

Oqıǵanyń hronologııasymen myna jerden tanysýǵa bolady.