«SCAT» áýe kompanııasy Saýd Arabııasyna turaqty áýe reısterin oryndaýǵa ruqsat aldy

ASTANA. QazAqparat - «SCAT» áýe kompanııasy Saýd Arabııasyna turaqty áýe reısterin oryndaýǵa ruqsat aldy. Bul jaıynda QR Investıtsııalar jáne damý mınıstri Jeńis Qasymbek óziniń Feısbýktegi paraqshasynda jazdy, dep habarlaıdy QazAqparat.

«QR IDM Azamattyq avıatsııa komıteti QR Syrtqy ister mınıstrligi jáne QR Din isteri jáne azamattyq qoǵam mınıstrligimen birge «SCAT» áýe kompanııasyn Saýd Arabııasy koroldiginiń Azamattyq avıatsııa Bas agenttigine tirkeý boıynsha jumystar júrgizip, Qazaqstannan Rııad, Jıdda, Medıne jáne Dammam qalalaryna, onyń ishinde 2017 jylǵy qajylyq kezinde turaqty áýe reısterin oryndaýǵa ruqsat aldy»,- dep jazdy mınıstr.

Onyń atap ótýinshe, qazir otandyq «SCAT» áýe kompanııasy naqty baǵyttardy jáne atalǵan reısterdiń ushyp shyǵý, ushyp kelý kúnderi men ýaqytyn anyqtaý boıynsha jumystar júrgizip jatyr.

«Endi Qazaqstan azamattary úshin Saýd Arabııasyna qolaıly avıa ushýlardy tańdaýǵa múmkindik artady», - dep atap ótti Jeńis Qasymbek.