SCAT áýe kompanııasy áýe reısteriniń keshigý sebebin túsindirdi
Kompanııanyń baspasóz qyzmeti habarlaǵandaı, SCAT áýe kompanııasynyń Aqtaýdaǵy habtyq áýejaıynda birneshe halyqaralyq reıs bógeldi. Olar tranzıttik jolaýshylardy kútken. Kesteniń buzylýy saldarynan tizbektele kele Qazaqstan ishindegi reıster de bógele bastady.
«Búgingi tańda jaǵdaı túzeldi desek te boldy. Jolaýshylarǵa aldyn ala eskertildi. Mundaı oqıǵa jıi bolyp turady. Reısterdiń qalpyna kelýi birshama ýaqytty talap etedi. Qazir áýejaıdaǵy jolaýshylarǵa ystyq tamaq berilip, qonaq úılerge jaıǵastyryldy. Áýe kompanııasynyń basshylyǵy keltirilgen qolaısyzdyqtar úshin keshirim suraıdy», - dedi baspasóz qyzmetinen.
Aıta ketý kerek, keshe elimizdiń túkpir-túkpirinen jeli qoldanýshylary SCAT reısteriniń keshigip jatqanyn aıtyp jazba qaldyrǵan bolatyn. Olardyń ishinde ánshi Álı Oqapov ta bar. Jolaýshylar Qostanaı, Óskemen, Qaraǵandy jáne basqa da baǵyttarǵa usha almaǵan edi.
Eske sala ketsek, tańerteń Almaty halyqaralyq áýejaıynda 14 reıstiń ushý ýaqyty keıinge shegerildi