Sibir jarasy jerlengen aýmaqtarǵa jaqyn jerler memleketke qaıtaryldy

<p>ASTANA. KAZINFORM &ndash; Sibir jarasy jerlengen aýmaqtarǵa jaqyn jerler<strong> </strong>memlekettik jer qoryna qaıtaryldy. Bul týraly Aqordanyń baspasóz qyzmeti habarlady.</p>

Jetisý oblysynyń ekologııalyq prokýratýrasynyń usynýy negizinde QR AShM Jer resýrstaryn basqarý komıtetiniń Jetisý oblysy boıynsha jer resýrstaryn basqarý departamenti Sarqan aýdanyndaǵy sibir jarasy jerlengen aýmaqtarǵa jaqyn jerde keń taralǵan paıdaly qazbalardy óndirýmen aınalysqan jer paıdalanýshyǵa qatysty sotqa talap aryz berdi.

Talap aryzda jalpy aýdany 14,6 gektar jer ýchaskesin jalǵa alý shartyn jaramsyz dep taný, jer paıdalanýshydan búlingen jerlerdi jobalyq negizde qalpyna keltirýdi qamtamasyz etý jáne ýaqytsha óteýli uzaq merzimdi jer paıdalaný quqyǵyn tirkeýdi joıý týraly talaptar qoıyldy.

Jetisý oblysynyń mamandandyrylǵan aýdanaralyq ekonomıkalyq soty talap aryzdy tolyq kólemde qanaǵattandyrdy. Sot sheshimimen atalǵan jerler memlekettik jer qoryna qaıtaryldy.

Memlekettik organdar jer resýrstaryn utymdy paıdalaný men tabıǵatty qorǵaý baǵytyndaǵy jumystardy jalǵastyryp jatyr.

Almaty oblysynda 1462 jer ýchaskesi paıdalanylmaı jatqanyn jazǵan bolatynbyz.