Sibir jarasy: Sý tasqynynan keıin aýrý mal kómilgen qorymdardan qaýip bar ma

<p>ASTANA. KAZINFORM &mdash; Sý basqan óńirlerdiń sibir jarasy jáne mal kómilgen aýmaqtarynda epızootııalyq jaǵdaı turaqty. Bul týraly AShM resmı ókili Oljas Tilebaldın málim etti.&nbsp;</p>

«Tasqynǵa baılanysty sý basqan aımaqtarda sibir jarasy men mal kómilgen. Degenmen bul aýmaqtardaǵy epızootııalyq jaǵdaı turaqty. Sibir jarasyn kómý — janýar ólgen jerde kómilgen aýrý qozdyrǵyshynyń tarıhı oshaqtary ekenine nazarlaryńyzdy aýdartamyz. Osylaısha, bul obektilerdiń ornyn aýystyrý múmkin emes. Sonymen qatar sibir jarasynan ólgennen keıin janýar órteý jolymen joıylady. Al kúl betondalatyn sarkofag jasalyp kómiledi. Onyń aınalasyna dezınfektsııalyq zattar salynady. Kómilgen aýmaq oqshaýlanǵan. Al sol ýchaskelerde indettiń bolýyna jyl saıyn monıtorıng jasalady. Osy ýaqytqa deıin aýrýlardyń jer betine shyǵýynyń birde-bir jaǵdaıy anyqtalǵan joq», — dedi vedomstvo resmı ókili ortalyq kommýnıkatsııalar qyzmetindegi brıfıngte.

Onyń atap ótýinshe, sý basqan ýchaskeler qurǵaǵannan keıin sol jerlerden topyraq synamasy alynady. Ol úshin tıisti mamandar osy óńirlerge baryp, turaqty jumys jatyr.

Munan bólek, sý basqan aımaqtarda sibir jarasyna qarsy vaktsınatsııa jyl basynan beri josparly túrde júrgizilgen. Bul shara jylda qolǵa alynady.

«Mal qorymdaryna kelsek, bul obektiler juqpaly aýrýlardan ólgen janýarlardy joıýǵa arnalǵan. ıAǵnı, mal qorymdaryn sý basqan jaǵdaıda asa qaýipti ınfektsııalardyń paıda bolý yqtımaldyǵy joq desek bolady. Osyndaı nysandardyń barlyǵy da sý basýyna baılanysty tekseriledi. Jalpy, Aýyl sharýashylyǵy mınıstrligi sý basqan aımaqtardaǵy epızootııalyq qaýipsizdik máselelerin jergilikti atqarýshy organdarmen jáne Densaýlyq saqtaý mınıstrligimen úılestire otyryp, turaqty baqylaýda ustaıdy», — dedi Oljas Tilebaldın.