Sberbank Qazaqstan málimdemesi: shottardan aqsha sheship alý shekteýsiz qoljetimdi

NUR-SULTAN. QazAqparat - Sberbank Qazaqstan jáne onyń barlyq júıesi shtattyq tártipte jumys isteıdi, jeke jáne zańdy tulǵalarǵa qarajattar men servıster tolyq kólemde qoljetimdi, dep habarlaıdy QazAqparat atalǵan banktiń baspasóz qyzmetine silteme jasap.

«Teńgedegi jáne shetel valıýtasyndaǵy shottardan aqsha sheship alý jáne olardy tolyqtyrý ofısterde, bankomattarda, Sber KZ mobıldi qosymshasynda jáne SberBızneste, sondaı-aq basqa da qyzmet kórsetý kanaldarynda shekteýsiz qoljetimdi. Barlyq tólem júıeleriniń plastıkalyq kartalary boıynsha taýarlar jáne qyzmet aqysyn tóleý, aqsha aýdarymdary jáne operatsııalar júrgizilip jatyr jáne tolyq kólemde qoljetimdi bolady. Valıýta aıyrbastaý shekteýsiz júrgiziledi» delingen habarlamada.

Qabyldanǵan shekteýler klıentterdiń qarajattarynyń saqtalýyna jáne qoljetimdiligine áser etpeıdi.

Sberbanktiń oryn alǵan jaǵdaıda qalypty jumys isteý úshin barlyq qajetti resýrstary men tájirıbesi bar.