Sberbank boryshkerlerdiń keıbir nesıesin Halyk Bank-ke berdi

NUR-SULTAN. QazAqparat – «Sberbank» AQ enshiles banki jeke tulǵalardyń kredıttik qorjyny boıynsha talap etý quqyǵyn jartylaı basqaǵa berý mámilesi jasalǵanyn málim etti, dep habarlaıdy QazAqparat tilshisi.

«Basqasha aıtar bolsaq, boryshkerlerdiń keıbir nesıeleri Halyk Bank-ke berildi. Tıisti eskertý klıentterge jeke-jeke jiberildi. Satylǵan zaıymdardyń sany banktiń bólshek kredıttik qorjynyń shamamen tórtten birin quraıdy. Sberbank qalǵan kredıtterge qyzmet kórsetýin jalǵastyra beredi», - delingen atalǵan qarjy uıymynyń resmı saıtynda jarııalanǵan aqparatta.

Banktiń atap ótýinshe, bul protsess zaemshiler úshin kredıt sharttaryna qatysty qandaı da bir ózgeristerdi talap etpeıdi. Qazaqstan zańnamasyna sáıkes, paıyzdyq mólsherleme, merzimi, tólem mólsheri, sonymen qatar zaımdy óteýge qatysty derbes keste ózgerissiz qala beredi. Al zaemderi Halyk Bank-ke berilgen azamattar nesıelerin endigi ýaqytta atalǵan bankke bekitilgen kestege sáıkes óteıtin bolady.

Budan buryn Qazaqstandaǵy «Sberbank» aldaǵy úsh aı qalypty rejımde jumys isteıtini habarlanǵan.