Saıt arqyly joq bıletterdi satyp kelgen almatylyq ustaldy

<p>Astana polıtseıleri OLX saıty arqyly joq bıletterdi satyp kelgen Almaty turǵynyn ustady. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://polisia.kz/" target="_blank" rel="noopener">Polisia.kz</a> saıtyna silteme jasap habarlaıdy.&nbsp;</p>

Almaty qalasynyń turǵyny OLX saıtynda áýe jáne poıyz bıletterin satýmen aınalysatyn qylmystyq kásip uıymdastyrǵan. 2023 jyldyń sáýir aıynan beri ol jarnama saıtynda bıletterdi arzandatylǵan baǵamen satý týraly aqparat jarııalaǵan.

Osylaısha, elorda turǵyny Almaty aýdandyq polıtsııa basqarmasyna habarlasyp, áýe bıletterin satamyn degen jeleýge senip, belgisiz bireýge 100 myń teńge aýdaryp jibergenin habarlaǵan. Ol 10 bılet alýdy josparlaǵan. Aqsha aýdarymynan soń sekem alyp, bıletterdi kútpesten polıtsııaǵa habarlasqan.

Jedel-izdestirý sharalary barysynda polıtseıler alaıaqtyqpen aınalysty degen kúdikpen Almaty qalasynyń 41 jastaǵy turǵynyn quryqtady. Qazirgi ýaqytta basqa da zardap shekkenderdiń kim ekeni anyqtalyp jatyr.

«Kúdiktige qatysty QR Qylmystyq kodeksiniń 190-baby (Alaıaqtyq) boıynsha qylmystyq is qozǵaldy. Polıtsııa departamenti azamattarǵa ınternet arqyly taýar satyp alý kezindegi qaýipsizdik erejelerin saqtaýdy eskertedi», - deıdi Іshki ister mınıstrliginen.