Saıramdyq 17 muqtaj otbasy baspanaly boldy
10:13, 19 Qazan 2020
SAIRAM. QazAqparat –Saıram aýdanyndaǵy kommýnaldyq menshiktegi bos turǵan ǵımarat bıyl kúrdeli jóndeýden ótkizilgen bolatyn. Nysan memlekettik turǵyn úı qorynan turǵyn úıge muqtaj retinde 184 ata-anasynyń qamqorlyǵynsyz qalǵan balalardyń máselesin sheshýge sep boldy, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.
Ǵımarattyń jalpy alańy – 586,3 sharshy metrdi, al turǵyn úıdiń alańy – 367,8 sharshy metrdi quraıdy.
Memlekettik baǵdarlama aıasynda 2019 jyly jergilikti bıýdjet esebinen qaralǵan qarjyǵa jobalyq-smetalyq qujattary daıyndalyp, ǵımaratty kúrdeli jóndeýden ótkizý úshin 84 mln teńge qarajat jumsalǵan. Kúrdeli jóndeý jumystaryn «Astana - Kóktem S» JShS merdiger mekemesi júrgizdi.
Ǵımarattaǵy turǵyn úı jaılarymen 17 jetim jáne ata-anasynyń qamqorlyǵynsyz qalǵan balalar (otbasy) qamtamasyz etildi. Saıram aýdanynyń ákimi Ulasbek Sádibekov solardyń ishinen 5 otbasyǵa páter kiltin tabystady. Jańa baspana ıesi atanǵan jandar qýanyshymen bólisip, alǵys bildirdi.