Saıramdyq sharýalar jylyjaıda banan ósirip jatyr

<p>Túrkistan oblysynyń Saıram aýdanynda banan ósirilip jatyr. Bul týraly Saıram aýdanynyń ákimi Arman Sábıtov málimdedi, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Saıram aýdanyna bıylǵy jyldyń 9 aıynda 38,9 mlrd teńge ınvestıtsııa tartylǵan. Bul kórsetkishti ótken jyldyń sáıkes kezeńimen salystyrǵanda 18,3%-ǵa ósken.

Sonymen qatar, aımaqta jalpy óńirlik ónim kólemi de edáýir artqan. Dálirek aıtsaq, kórsetkish 185 mlrd teńgege jetip, ósim 103,3 %-dy qurap otyr.

Aýdanda birneshe joba iske qosylǵan. Solardyń biri «Gen Group Kazakhstan» kompanııasynyń qolǵa alýymen banan ósirilip jatyr. Qaınarbulaq aýyldyq okrýginde ornalasqan jylyjaı aýmaǵy 5,3 ga quraıdy.

«Atalǵan kásiporynnyń Qazaqstanda balamasy joq. ıAǵnı bundaı kásipkerlik nysan tek Saıram aýdanynda bar. Jylyjaı jylyna 1000 tonna banan óndirýge múmkindik beredi»-dedi aýdany ákimi Arman Sabıtov.

Aýdan basshysynyń aıtýynsha, saıramdyq «ART Boilers» JShS-i Qytaı elindegi iri jylytý qazandyqtaryn óndiretin «SNDWAY NEXHOLOGY CO.,LTD» kompanııasynan 17 tonna par shyǵaratyn qazandyqtar alýǵa jáne birlesip mamandarymen tájirıbe almasý jumystaryn júrgizýge kelisim jasaǵan. Sondaı-aq, «Et Agro Mankent» ÓK-i men «Turan agro Et-sút» AShÓK - mal bordaqylaý kesheni, mal soıý alańy, etti tereń óńdeıtin tseh qurylysy jáne qandy óńdeý kásiporyndary qurylysyn júrgizýge «ZHONG BANG HAO TONG» kompanııasymen qural-jabdyqtardy satyp alýǵa yntymaqtastyq týraly memorandýmǵa qol qoıǵan. Nátıjesinde saıramdyq kásipker qytaılyq kompanııamen birlesip mal terisin, qany men súıegin qaldyqsyz óńdeıtin zaýyt salmaq.