Saıram jáne Tóle bı aýdandarynda karantın shekteýi kúsheıtildi

TÚRKІSTAN. QazAqparat - Túrkistan oblysynyń bas sanıtar dárigeriniń jańa qaýlysyna sáıkes, Shymkent qalasyna jaqyn ornalasqan Saıram jáne Tóle bı aýdandarynda karantın men shekteý sharalary kúsheıtildi, dep habarlaıdy QazAqparat tilshisi.

Atap aıtqanda, eki aýdanda Ashyq jobasyn engizbegen nysandardyń jumys isteýine tyıym salynady. Tek alyp ketý jáne jetkizý qyzmetine ruqsat beriledi.

Ashyq jobasymen qyzmet kórsetetin meıramhana, dámhana, qoǵamdyq tamaqtaný obektileri, banket zaldary, basseınder, saýda úıleri, saýda jelileri, bılıard, kompıýter klýbtary, sulýlyq salondar, shashtarazdar jumys kúnderi keshki saǵat 20:00 ge deıin ashyq bolady.

Al, senbi jáne jeksenbi kúnderi jumys isteýine tyıym istemeıdi.

Ashyq jobasymen jumys isteıtin demalys úıleri, týrıstik bazalar jáne jaǵajaılar azyq-túlik emes dúkender, ashyq, jabyq bazarlar (azyq-túlik, azyq-túlik emes), jármeńkeler, monshalar, ashyq aýadaǵy attraktsıondar, batýttardyń senbi, jeksenbi kúnderi jumysy toqtatylady.

Eske sala ketsek, megapolıster men iri qalalar mańyndaǵy qala turǵyndary demalýǵa baratyn aýdandarda karantın kúsheıtiledi. Qazaqstan aýmaǵynda koronavırýs ınfektsııanyń taralýyna jol bermeý jónindegi vedomstvoaralyq komıssııanyń otyrysynda osyndaı másele qaralǵan edi.