Saıram aýdanynda jyl basynan beri 700 tonna et eksporttalǵan
16:47, 15 Sáýir 2020
TÚRKІSTAN. QazAqparat – Túrkistan oblysynyń Saıram aýdany elimizde et óndirý boıynsha aldyńǵy qatarda keledi. Іndetke baılanysty jarııalanǵan tótenshe jaǵdaıǵa qaramastan mundaǵy sharýalar mal ósirip, et ónimderin saýdalaýda, dep habarlaıdy QazAqparat tilshisi.
Atalǵan aýdannan Ózbekstan, Iran, Reseı memleketterine 465 bas múıizdi iri qara men 75 bas jylqy, 57 bas ýaq mal tirideı satylǵan. Sondaı-aq, 506 tonna sıyr men 71,4 tonna qoı eti soıys salmaǵynda eksporttalǵan. Budan bólek, 566 tonna mal azyǵy Ózbekstan jáne Aýǵanstan memleketterine jóneltilgen.
Saıramdyq et óndirýshiler sonymen qatar, et ónimderimen elimizdiń birqatar óńirlerin de qamtamasyz etip otyr.
Atap aıtqanda, Túrkistan oblysy men Almaty, Nur-Sultan, Shymkent, Qaraǵandy, Taraz, Aqtóbe syndy qalanyń saýda oryndaryna et jetkizip berýde.