Saıram aýdanynda eldimekender tolyqtaı ortalyqtandyrylǵan aýyz sý júıesine qosylǵan

SAIRAM. QazAqparat - Túrkistan oblysy, Saıram aýdanynyń turǵyndaryn sapaly aýyz sýmen qamtamasyz etý maqsatynda bıyl 4 eldi mekenniń tozyǵy jetken aýyz sý júıeleri ortasha jóndeýden ótkizilgen. Nátıjesinde aýdannyń 42 eldi mekeni 100% ortalyqtandyrylǵan aýyz sý júıesimen qamtylǵan, dep habarlaıdy QazAqparat tilshisi.

Búginde aýdandaǵy 12 eldimekende tabıǵı gaz júıeleriniń qurylys jumystary aıaqtalǵan. Kógildir otyn berilgen jaǵdaıda 27 164 turǵyn tabıǵı gazben qamtylmaq. Al qazirgi tańda 5 eldi mekenge gaz berý jumystary júrgizilýde. Sonymen qatar, bıyl avtomobıl joldaryn damytýǵa respýblıkalyq, oblystyq jáne jergilikti bıýdjetten qarjy qaralyp, 45 jolǵa, ıaǵnı 89,9 shaqyrymǵa jóndeý jumystary júrgizilip, asfalt tóselgen. Búgingi tańda 45 nysanda jóndeý jumystary aıaqtalǵan. Taǵy oblystyq mańyzy bar «KH-3- Kóksáıek - Shaıan - Aqqala - Sarqyrama» jolynyń 5 shaqyrymy jóndeýden ótip, nysan 2021 jylǵa ótpeli bolýda. Jyl qorytyndysymen jalpy paıdalanymdaǵy joldardyń qanaǵatty jaǵdaıdaǵy úlesin 52,7%-dan 59,4%-ǵa deıin arttyrý kózdelýde.