«Konstıtýtsııaǵa ózgertýler men tolyqtyrýlar eldiń saıası sáýletin keshendi qaıta formattaýǵa, bılik tarmaqtary arasynda tejeý men tepe-teńdik júıesin qalyptastyrýǵa baǵyttalǵan», - dedi Prezıdent.
Memleket basshysy elimiz basqarýdyń sýperprezıdenttik formasynan túbegeıli bas tartatyndyǵyn atap ótti.
«Parlamenttiń, máslıhattardyń ókilettikterin kúsheıtemiz. Basymdyqtardyń biri - partııalyq-saıası salany jańǵyrtý. Partııalyq jáne saılaý zańnamasyn yryqtandyrý bıliktiń barlyq deńgeılerinde qabyldanatyn sheshimderdegi qoǵam rólin nyǵaıtady. Saılaýshylardyń daýysy úshin básekelestik barynsha ótkirlene túsedi. Saıası protsestiń de dınamıkasy men mazmuny ózgeretindigi sózsiz», - dedi Qasym-Jomart Toqaev.