Saılaýshylar úmitkerlerdiń baǵdarlamasyn muqııat oqyp, laıyqtysyn tańdaýy kerek – sarapshy
«Saıası naýqan aralas saılaý júıesi boıynsha ótedi. Biz bir mandatty okrýgter boıynsha jáne partııalyq tizim boıynsha depýtattyqqa kandıdattar tarapynan joǵary qyzyǵýshylyqty kórip otyrmyz, Májiliste de, máslıhatta da úlken báseke bolady. Jalpy, saılaýǵa kandıdattardyń ózderi ǵana emes, saılaýshylar da úlken nazar aýdarǵany mańyzdy. Saılaýshylar birinshi kezekte tańdap daýys berýi kerek. ıAǵnı, resmı túrde kelip, azamattyq boryshyńyzdy ótep qana qoımaı, eń laıyqty úmitkerlerdi qarap, soǵan daýys berý qajet», - dedi sarapshy.
Ol Jańa Qazaqstannyń saıası ómirine jańa adamdar keletinin tilge tıek etti.
«Máselen, «Amanat» partııasynyń tizimi 75 paıyzǵa jańartyldy, saıası arenada kópten beri júrgen partııalarda jańa tulǵalar kóp. Qazaqstan halyq partııasy da partııalyq tizimin aıtarlyqtaı jańartty. Jańa partııalar da bar. Endi eń bastysy, halyq tek bet-álpetine ǵana emes, partııalardyń saılaý aldyndaǵy baǵdarlamalaryna, bir mandatty okrýgterdegi kandıdattardyń baǵdarlamasyna da nazar aýdarady. Bul daýys tek men biletin nemese estigen adam úshin emes. Olardyń ne usynatynyn bilý kerek. Sondyqtan mazmuny óte mańyzdy. Іske asyrýǵa bolatyn naqty baǵdarlamasy bar adamǵa, qur ýáde bermeıtin adamǵa daýys berý kerek», - dedi saıasattanýshy.
Saıasattanýshy jańa partııalar men táýelsiz kandıdattardyń saılaýǵa qatysýy básekeni arttyrady dep esepteıdi.
«Báseke óte kúshti. Bizde aralas júıe boldy, biraq ol sońǵy ret 2004 jylǵy Májilis saılaýy kezinde jumys istedi. Qazir júıe talapqa beıimdelip jatyr. Parlamentke usynylǵan partııalardyń qaıta oralý múmkindigi birdeı dep oılaımyn. Onyń ústine saıası partııalardyń saılaýdan ótýiniń paıyzdyq shegi 7-den 5 paıyzǵa deıin tómendedi. Biraq saıası báseke saıasatta jańa adamdardyń paıda bolýy úshin ǵana emes, jańa ıdeıalar úshin de qajet. Jańa ıdeıalar kóp bolsa eken», - dep qosty Edýard Poletaev.
Buǵan deıin Edýard Poletaev aldaǵy Parlament Májilisi men barlyq deńgeıdegi máslıhat depýtattarynyń kezekten tys saılaýy saıası júıeniń demokratııalanǵanyn kórsetetinin aıtqan bolatyn.
Májilis pen máslıhat depýtattaryn saılaý bir kúnde – 19 naýryzda ótedi.