Saılaýshylardyń 3/4 bóligi Qazaqstanda beıbit atomdy paıdalanýǵa daýys berdi – Depýtat

<p>ASTANA. KAZINFORM &ndash; Májilis depýtaty Nıkıta Shatalov AES qurylysyna kelisim berý boıynsha referendýmnyń ekzıt-pýl derekteri jóninde <a href="https://kaz.inform.kz/news/exit-poll-haliktin-723-aes-kurilisin-koldagan-9bb2cb/" target="_blank" rel="noopener">pikir bildirdi.</a></p>

«Olardyń barlyǵy shamaly aıyrmashylyqpen 70% aınalasyn kórsetip otyr. Ortalyq saılaý komıssııasynyń qorytyndy málimeti de osy shamada bolady dep oılaımyn – saılaýshylardyń tórtten úsh bóligi Qazaqstanda beıbit atomdy paıdalanýǵa múmkindik berý úshin óz daýystaryn berdi. Bul ótken aıda Halyq shtaby ótkizgen naýqannyń nátıjesi», - dep jazdy N.Shatalov óziniń Telegram paraqshasynda.

Onyń aıtýynsha, naýqan tabysynyń negizgi faktory – osy ýaqytta AES máselesinde naqty sheshim taba almaǵan azamattardy – saılaýshylardyń jalpy sanynyń 20%-dan astamyn ózderine tarta alýynda.

Onyń ishinde atom energııasy týraly emotsıonaldy argýmentter men mıfterdi basshylyqqa alǵan adamdar boldy. Energııa kózi týraly da, eldegi ınfraqurylymnyń jaı-kúıi týraly da qoljetimdi aqparattyń tapshylyǵy da kórindi.

«Alda áli kóp nárse bar: daýys berý nátıjesin sanaý, olardy bekitý, sodan keıin Úkimettiń úlken qurylystyń barlyq parametrlerin anyqtaý jónindegi jumysy. Qazir referendýmnyń ótkeni mańyzdy, al qazaqstandyqtar konstıtýtsııalyq qurylymnyń jekelegen máseleleri úshin emes, keleshekte ómirine fızıkalyq áser etetin naqty máselede daýys berý múmkindigi men tájirıbesine ıe boldy. Bul bizdiń óńirdegi erekshe jaǵdaı», - deıdi Májilis depýtaty.

Eske salaıyq, búgin qazaqstandyqtar atom elektr stantsııasyn salý máselesi boıynsha referendýmda daýys berdi.

6 qazanda el boıynsha 10 249 referendým ýchaskesinde daýys berý bastaldy.

1 shildedegi jaǵdaı boıynsha el kóleminde 12 176 968 adam referendýmda daýys berýge haqyly.

Aıta keteıik, 20:00-degi jaǵdaı boıynsha 7 820 918 azamat bıýlleten aldy. Bul tizimge engizilgen azamattardyń 63,87 paıyzy.