Saılaýǵa QHA atynan túsetin kandıdattardyń árqaısysyna bıýdjetten 630 myń teńge bólinedi

ASTANA. QazAqparat - Ortalyq saılaý komıssııasy Qazaqstan halqy Assambleıasy saılaıtyn Qazaqstan Respýblıkasy Parlamenti Májilisiniń depýtattyǵyna 9 kandıdat úshin respýblıkalyq bıýdjet qarajatynan jabylatyn shyǵystardyń mólsherlerin belgiledi.

«Ortsaılaýkom qabyldaǵan qaýlyǵa sáıkes kandıdatqa saılaý aldyndaǵy baǵdarlamasymen teledıdardan sóz sóıleýine - 139000 teńge; baǵdarlamasymen radıodan sóz sóıleýine - 82000 teńge; baspa basylymdarynda eki maqalasyn jarııalaýyna - 178000 teńge; saılaýshylarmen kezdesýleri úshin úı-jaıdy jaldaýǵa - 33000 teńge; úgittik baspa materıaldaryn basyp shyǵarýǵa - 66000 teńge; kóliktik shyǵystaryna - 132000 teńge bólinetin bolady», - dep atap ótti QR OSK múshesi Tatıana Ohlopkova.

QR OSK otyrysy aıaqtalǵannan keıin semınar-keńes boldy, onyń barysynda Ortsaılaýkom múshesi T. Ohlopkova, QR OSK apparatynyń tıisti qurylymdyq bólimsheleriniń basshylary, Qazaqstan halqy Assambleıasy hatshylyǵynyń ókili, Qazaqstan halqy Assambleıasy saılaıtyn Qazaqstan Respýblıkasy Parlamenti Májilisiniń depýtattyǵyna tirkelgen kandıdattar saılaý naýqanyn júrgizýdiń uıymdastyrý, quqyqtyq jáne qarjy máselelerin talqylady.

Aıta keteıik, «Qazaqstan Respýblıkasyndaǵy saılaý týraly» Qazaqstan Respýblıkasy Konstıtýtsııalyq zańynyń 89-babyna sáıkes Qazaqstan Respýblıkasy Ortalyq saılaý komıssııasy 2016 jylǵy 2 naýryzda Qazaqstan halqy Assambleıasy usynǵan Qazaqstan Respýblıkasy Parlamenti Májilisiniń depýtattyǵyna 9 kandıdatty mynadaı quramda tirkedi:

1. Abdrahmanov Saýytbek Abdrahmanuly

2. Bojko Vladımır Karpovıch

3. Jumadildaeva Natalıa Vasılevna

4. Kım Roman Ýhenovıch

5. Mıkaelıan Narıne Gamletovna

6. Mýradov Ahmed Seıdarahmanovıch

7. Nýrýmov Shaımardan Ýsaınovıch

8. Tımoşenko ıÝrıı Evgenıevıch

9. Hahazov Shakır Hýsaınovıch