Saılaýǵa barmaǵan qyrǵyzstandyqtar aıyppul tóleıdi

<p>Qyrǵyzstan Jogorký Keneshiniń komıteti azamattardy saılaýda daýys berýge mindetteıtin jáne azamattyq boryshyn oryndamaǵan jaǵdaıda aıyppul salatyn zań jobasyn qarap, birinshi oqylymda maquldady.&nbsp;<a href="https://kaz.inform.kz/" target="_blank" rel="noopener">Kazinform</a>&nbsp;bul týraly&nbsp;<a href="https://kabar.kg/news/kyrgyzstantcev-obiazhut-uchastvovat-na-vyborakh-komitet-zhk-odobril-ideiu-v-i-chtenii/" target="_blank" rel="noopener">Kabar agenttigine</a>&nbsp;silteme jasap habarlaıdy.</p>

Zań jobasyna depýtattardyń biri bastamashylyq etken.

Atalmysh qujattyń negizgi maqsaty men mindeti – Qyrǵyz Respýblıkasy azamattarynyń óz bıligin saılaý men referendýmdarda daýys berý arqyly júzege asyrýy.

Konstıtýtsııalyq zań jobasy dáleldi sebepteri bar adamdardy qospaǵanda, el aýmaǵynda turatyn Qyrǵyzstannyń barlyq azamattaryn el Prezıdenti men Jogorký Kenesh depýtattaryn saılaýǵa qatysýǵa mindetteıtin normany engizýdi kózdeıdi.

Usynysty qoldaǵan depýtattar el jastary saılaýǵa barmaıtynyn atap ótti.

Aıyppul kólemin 5 myń som (25 763 teńge) kóleminde belgileý usynylyp otyr.