Saılaýǵa 20 myńǵa jýyq baıqaýshy qatysýda

NUR-SULTAN. QazAqparat - Saılaý baıqaýshylary 1 qańtardan bastap daıyndyqtan ótti. Bul týraly Saılaýdy beıpartııalyq baıqaý ortalyǵynyń basshysy Baný Nurǵazıeva aıtty, dep habarlaıdy QazAqparat tilshisi.

«Búgin saǵat 07:00-den bastap Respýblıka boıynsha 9559 saılaý ýchaskesi ashylyp, bizdiń baıqaýshylar jumysyn bastady. Baıqaýshylardy 2020 jyldyń 1 qańtarynan bastap daıyndadyq. Barlyq óńirde eń tanymal trenerler onlaın jáne oflaın trenıng, semınarlar ótkizdi, sondaı-aq ortalyq saılaý komıtetiniń ókilderin de tarttyq. Baıqaýshylar quramyyna QR Kásipodaqtar federatsııasy, Qazaqstannyń Azamattyq Alıansy jáne 2000-nan astam úkimettik emes uıymy bar. Baıqaýshylardyń jalpy sany - 19 650», - deıdi Saılaýdy beıpartııalyq baıqaý ortylyǵynyń basshysy Baný Nurǵazıeva.

Sonymen qatar, Nurlan Óteshov QR Kásipodaqtar federatsııasy tóraǵasynyń orynbasary Nurlan Óteshov baıqaýshylardyń qalaı jumys isteıtinin aıtty.

«Saǵat 09:00-de Respýblıkalyq shtabymyz oblystyq shtabtardan aqparat jınap qoıdy. Saılaý ýchaskelelerinde baıqaýshylar ártúrli nusqada jumys isteıdi. Mysaly, bir saılaý ýchaskesinde bir baıqaýshy kúni boıy jumys istese, taǵy bir saılaý ýchaskesinde túske deıin bir baıqaýshy, tústen keıin bir baıqaýshy bolady, keıbir saılaý ýchaskesinde úsh baıqaýshydan bar. Ázirge saılaý protsesine áser etetin buzýshylyqtar anyqtalǵan joq. Eki saǵat saıyn aqparat taratyp otyrýǵa daıynbyz», - deıdi ol.