Saılaýdy ótkizýde Qazaqstannan úlgi alatyn tustar bar - Izraıl Elshisi Elııaý Tasman
«Búgin Astanadaǵy Senat depýtattyǵyna kandıdattardy saılaýdyń úderisin baqyladym. Jalpy Qazaqstan halqy úshin mańyzdy bul kúnde ótip jatqan daýys berý barysynda zań buzýshylyqtardy ózim baıqamadym. Atap aıtqanda, Qazaqstandaǵy saılaýdy bizdiń eldegi jaǵdaıǵa qaraǵanda jaqsy dep baǵalaımyn. Men Elshi bolǵandyqtan, óz ómirimde álem elderindegi kóptegen saılaýlarda boldym. Sondyqtan barlyǵyn saraptap, saralap júremin. Osy oraıda Qazaqstandaǵy saılaý ashyq ótti dep aıta alamyn», - dedi Elshi. Aıta keteıik, kúntizbelik josparǵa sáıkes, 29 qyrkúıek saǵat 24.00-de úmitkerlerdiń saılaýaldy úgit-nasıhat jumystary aıaqtaldy. Úgit-nasıhat sharasynyń aıasynda saılaýshylarmen 11-29 qyrkúıek aralyǵynda aımaqtarda 266 kezdesý ótti. 30 qyrkúıekte, sonymen birge daýys berý kúni - 1 qazanda kez kelgen saılaýaldy úgit-nasıhatqa tyıym salyndy. Senat depýtattaryn saılaý janama saılaý quqyǵy negizinde jasyryn daýys berý arqyly júzege asady. Janama saılaý quqyǵy - Parlament Senaty depýtattarynyń saılaýynda daýys berýge tek qana tańdaýshylar, ıaǵnı máslıhattar depýtattary ǵana qatysady degendi bildiredi. Osylaısha, óz kezeginde elimizdiń azamattary tikeleı saılaýda saılaǵan máslıhattar depýtattary senatorlardy saılaıdy, al olar Parlamentte óńir jurtshylyǵynyń múddelerin bildiredi.