Saılaýdy merziminen buryn ótkizý durys ári oryndy sheshim - B.Tájibaev
«Elbasynyń QR Parlamenti Májilisi depýtattary men jergilikti máslıhat depýtattary saılaýyn 20 naýryz kúni ótkizý týraly Jarlyǵyn qoldaý jóninde málimdeme jasaǵym kelip otyr. Bul saılaýdy ótkizý týraly sheshim qabyldanar aldynda onyń biraz tarazylanǵanyn bilemiz», - dedi ol.
Osy rette B.Tájibaev qazirgi ýaqytta álemde oryn alyp jatqan geosaıası, ekonomıkalyq ózgeristerdiń Qazaqstannyń ekonomıkasyna da teris áserin tıgizip otyrǵanyn atap ótti.
«Elbasynyń tikeleı bastamasymen elimizde jahandyq daǵdarysqa qarsy turýdyń arnaıy josparlary qurylǵan. Ol josparlardyń júzege asyrylýy, oryndalýy, jalpy bizdiń elimizdiń ary qaraı damýy, azamattyq qoǵamnyń jańǵyrtylýy tek ózimizge ǵana baılanysty. Sondyqtan da bul sheshim óte durys jáne oryndy dep sanaımyz», - dedi B.Tájibaev.
Sonymen qatar ol Májiliske jáne jergilikti máslıhattarǵa jańa adamdardyń kelgendigin qalaıtyndyǵyn atap ótti.
«Árıne, 5-shi shaqyrylym depýtattary da mol jumys atqardy. Biraq, ekonomıkalyq-saıası daǵdarystardy túsinetin jáne ony aldyn ala eńserý joldaryn biletin, eldiń, qarapaıym halyqtyń múddesin qorǵaıtyn jańa lep jastardyń kelýin qalaımyz», - dep túıindedi sózin Astana qalasy kásipodaqtarynyń ókili.