Saılaýdan keıin eldegi ıgi ister eselene beretinine senimdimin – Olga Rypakova

ÓSKEMEN. QazAqparat - Jeńil atletıkadan Olımpıada chempıony Olga Rypakova búgin saılaý ýchaskesine kelip, óz tańdaýyn jasady, dep habarlaıdy QazAqparat Altaınıýs saıtyna silteme jasap.

O.Rypakova Óskemendegi № 47 mektepte ornalasqan №2 saılaý ýchaskesinde tirkelgen.
Ol kámelet jasqa tolǵannan beri birde-bir saılaý naýqanynan qalmaǵanyn aıtady. Tipti Qazaqstannan jyraq, jarystarǵa ketkende de, árkez óz tańdaýyn jasap úlgerip júrgen.
Aıtýly dodalarda el namysyn qorǵap, jastarǵa úlgi bolǵan sportshy saılaýdyń mańyzdylyǵyn tereń túsinedi.
«Saılaý – eldiń bolashaǵy úshin mańyzdy. Árbir qazaqstandyq daýys berýi kerek dep oılaımyn. Óz daýysymdy tańdaýly kandıdatyma berdim. Qazir de eldiń órkendeýi úshin kóptegen sharalar,baǵdarlamalar atqarylyp jatyr ǵoı, degenmen saılaýdan keıin el damýy jolyndaǵy ıgi ister eselene beretinine senimdimin», - dedi ol.