Saılaýdan, keleshekten jaqsylyq kútemin - Asyly Osman

ALMATY. QazAqparat - QR Eńbek sińirgen qaıratkeri, Qazaqstan halqy Assambleıasynyń múshesi Asyly Osman Almaty qalasyndaǵy №64 saılaý ýchaskesine baryp, eldiń taǵdyryna yqpal eter mańyzdy sheshimdi qabyldaýǵa atsalysty, dep habarlaıdy QazAqparat tilshisi.

«Bul saılaý eldiń taǵdyryn aıqyndaıdy. Búgin taıly-tuıaǵymyzben óz tańdaýymyzdy jasadyq. Eldiń aldynda júrgen aǵa býyn ókilderi ózderinen keıingilerge úlgi-ónege kórsetetin shaq keldi. Saılaýdan, keleshekten jaqsylyqty kútemin», - dedi Asyly Osman.

Aıta keteıik, Almatyda 600 saılaý ýchaskesi jumys istep tur. Qalada 1 mıllıon 176 myńnan astam adam daýys bere alady. Al turǵylyqty tirkeýi joq azamattar úshin 55 daýys berý ýchaskesi jumys isteıdi.