Saılaýdaǵy ulttyq baqylaýshylardy akkredıtteý shetel tájirıbesinde de bar - Ádilet mınıstrligi

NUR-SULTAN. QazAqparat – Ortalyq kommýnıkatsııalar qyzmetinde QR Ádilet mınıstrligi zań shyǵarý departamentiniń dırektory mindetin atqarýshy Baýyrjan Turǵanbaev «Saılaý týraly» Konstıtsııalyq zańǵa usynylǵan túzetýler týraly pikir bildirdi, dep habarlaıdy QazAqparat tilshisi.

«Konstıtýtsııalyq zańnamaǵa ózgerister engizý aıasynda Saılaý týraly zańǵa baqylaýshylardyń jumysyn uıymdastyrýǵa túzetýler engizý máselesi talqylanyp jatyr. ıAǵnı, saılaý protsesin baqylaýmen aınalysatyn qoǵamdyq birlestikterdi akkredıtteý kózdelip otyr. Sondaı-aq osy ispen aınalysatyn memlekettik emes uıymdardyń shetelden qarjylandyrýyna tyıym salynbaqshy. Bul týraly qandaı pikir aıtasyz?», - dep surady BAQ ókili Ádilet mınıstrliginiń ókilinen.

«Iá, Ádilet mınıstrligi zań jobasyn ázirlegen. Qazirgi tańda ol «Ashyq NQA» portalynda qoǵamdyq talqylaýdan ótip jatyr. Túrli pikirler túsýde. Olarǵa jaýap berip, taldaý jasap otyrmyz. Baqylaýshylardy akkredıtteýge kelsek, qoldanystaǵy zańnama boıynsha, Saılaý týraly konstıtýtsııalyq zańda shet memleketter men halyqaralyq uıymdardyń baqylaýshylaryn akkredıtatsııalaý kózdelgen. Olardy Ortalyq saılaý komıssııasy Syrtqy ister mınıstrliginiń usynymy boıynsha akkredıtatsııadan ótkizedi. Biryńǵaı quqyqtyq retteý úshin zań jobasy arqyly ulttyq baqylaýshylardy da akkredıtteý usynylyp otyr», - dedi Baýyrjan Turǵanbaev.

Onyń sózine qaraǵanda, mundaı talaptar halyqaralyq tájirıbede de bar.

«Mysaly, Norvegııada, Grýzııada, Armenııada, Bolgarııada osyndaı tájirıbe bar. Saılaýdy baqylaýshylardy akkredıtteý qaǵıdaty Venetsııa komıssııasynyń, sondaı-aq Demokratııalyq saılaý keńesiniń qujattarynda kórinis tapqan. Osylaısha, biz usynyp otyrǵan norma ulttyq baqylaýshylardyń quqyqtary men ókiletin belgileıdi», - dedi mınıstrlik ókili.

Sondaı-aq ol sheteldik qarjylandyrýy bar uıymdardyń eldegi saılaý protsesine aralasýyna qazirgi zańnamada da tyıym bar ekenin eske saldy.

«Mysaly, qoldanystaǵy «Saıası partııalar týraly» Zańda shetel azamattary men azamattyǵy joq adamdar partııa múshesi bola almaıtyny aıqyndalǵan. Sondaı-aq saıası partııalardy sheteldik zańdy tulǵalar men shetel azamattarynyń qarjylandyrýyna tyıym salynǵan. Oǵan mysal da keltire alamyn. AQSh-tyń, Eýropa elderiniń zańnamasynda dál osyndaı tyıymdar bar. Eger saıası partııa sheteldik zańdy tulǵadan nemese shetel azamatynan qarjy alsa, birden taratylatyny aıtylǵan. Jalpy saılaý protsesin qarjylandyrýdyń qaǵıdaty BUU qujattarynda kórsetilgen. Usynylyp otyrǵan normalardyń halyqaralyq tájirıbede bar ekenin eskerip, zańnyń bárine birdeı qoldaný úshin osyndaı tyıym engizbekshimiz. Bul túzetýler eshkimniń, eshqandaı quqyǵyn shektemeıdi, Qazaqstan Respýblıkasynyń zańnamasyna saı keledi», - dedi vedomstvo ókili.