Saılaýda Úkimettik emes uıymdardyń belsendiligi kórindi - TúrkPA ókilderi
«Biz saılaýdyń ótý barysy týraly qysqamerzimdi monıtorng jasadyq. Biz Qazaqstandaǵy saılaýǵa jáne ony monıtorıngileýge buǵan deıinde qatysyp kelemiz. Osymen Qazaqstanda ótken 6-y saılaýǵa qatysyp, baǵa berip kelemiz. Aıta ketý kerek, kezekti saılaý Qazaqstandaǵy demokratııanyń shynaıylyǵyn kórsetti. Saılaýda halyq óz tańdaýyn jasap, jarqyn bolashaqqa taǵy bir qadamǵa jyljydy dep oılaımyn», - dedi Túrkitildes memleketterdiń Parlamenttik Assambleıasynyń (TúrkPA) bas hatshysy Altynbek Mamaıýsýpov elordada táýelsiz halyqaralyq baıqaýshylardyń qatysýymen ótken baspasóz máslıhatynda.
Onyń aıtýynsha, TúrkPa atynan 8 baıqaýshy elordadaǵy saılaý barysyn qadaǵalady.
«Qazaqstandaǵy saılaýdyń ótý barysyn baqylaý úshin TúrkPA atynan 8 baıqaýshy taǵaıyndaldy. Olar óz qyzmetin Nur-Sultan qalasynda júzege asyrdy. Olardyń qatarynda TúrkPa-ǵa múshe Túrkııa jáne Ázerbaıjan elderiniń depýtattary men sarapshylary bar. Sondaı-aq, biz QR Parlament Senaty jáne Ortalyq saılaý komıssııasynyń basshylyǵymen kezdestik. Onda bizge saılaýǵa qatysty tolyq aqparat berildi. Endi saılaý barysyna kelsek, aldymen barlyq sanıtarlyq talaptar saqtaldy, ekinshiden saılaýda synǵa túsken úmitkerler arasynda áıelder men jastardyń kóptigi baıqaldy. Muny erekshe aıtyp ótken durys», - dedi TúrkPA-nyń quqyqtyq jáne halyqaralyq yntymaqtastyq jónindegi komıssııa tóraǵasy, halyqaralyq baıqaýshy Ismet Ýchman.
Táýelsiz baıqaýshynyń málimdeýinshe, saılaý barysyn baqylaýda teńdeı jaǵdaı jasaldy.
«Bizdiń baıqaýshylar Nur-Sultan qalasynda birneshe saılaý ýchaskesinde onyń ótý barysyn qadaǵalady. Barlyǵyda zań aıasynda júzege asyryldy jáne saılaýǵa qatysty aqparattar qoljetimdi boldy. Sol sekildi saılaýda úkimettik emes uıym ókilderiniń belsendiligi kórindi. Bul saılaýdyń ashyq ári ádil túrde ótýin qamtamasyz etedi. OSK málimetinshe saılaýǵa halyqtyń 63,3 %-y qatysqan, bul Eýropa elderindegi saılaýmen salystyrǵanda úlken kórsetkish», - deıdi ol.