Saılaýda tańerteńnen uzyn-sonar kezek bolady dep kútken joqpyz - Estonııa depýtaty

ASTANA. QazAqparat - Qazaqstandaǵy prezıdenttik saılaýda halyqaralyq baıqaýshy retinde tirkelgen Estonııa parlamentiniń depýtaty Denıs Borodıch Qazaqstandaǵy elektorattyń belsendiligine tańdanysyn jasyrmady.

«Estonııa Qazaqstan úshin mańyzdy áriptes. Biz Qazaqstanda el bıligin halyqtyń basym senimine ıe bolǵan basshy alady dep senemiz. Maǵan ǵana emes, saılaý komıssııasynyń jumyskerleri úshin de halyqtyń saılaýdaǵy belsendiligi tańqaldyrdy. Tańerteńnen osyndaı uzyn-sonar kezek bolady dep kútken joqpyz. Bolashaqta saılaý komıssııalarynyń qyzmetkerlerin kóbeıtý kerek bolatyn shyǵar. Bul saılaýshylar úshin daýys berý kezinde tek oń yqpal etedi. Shynymen saılaýshylar daýys berý úshin saǵattap turýǵa májbúr», - dedi ol búgin astanalyq tilshilerge bergen suhbatynda.

Onyń aıtýynsha, Qazaqstandaǵy saılaý komıssııalarynyń kásibı biliktiligi joǵary.

«Men úshin saılaýda adamdarmen tildesýdi jón kóremin. Olardyń kókeıindegi oılardy, eldegi jaǵdaıǵa degen kózqarasyn bilýge tyrysamyn. Ázirge boljap aıtý qıyn, degenmen halyq saılaýdaǵy óziniń daýysy mańyzdy ekendigin túsinedi. Saılaý ýchaskelerindegi qandaı da bir buzýshylyqtardy kórgen joqpyz. Saılaý komıssııasyndaǵy qyzmetkerlerdiń shapshańdyǵyna, biliktiligine rıza boldym. Olar tizimde óz atyn tappaǵan áıelge shuǵyl kómek jasady jáne sol ýchaskeden daýys berýge múmkindik berdi. Barlyǵy zańǵa saı ótti», - dep atap ótti D.Borodıch.