Saılaýda óz tańdaýymyzdy jasaýǵa tıispiz - Aıdana Arsalan

TALDYQORǴAN. QazAqparat - Bıyl 9 maýsym kúni saılaýdy ótkizý sheshimin der kezinde jáne durys qabyldanǵan dep esepteımin. Elbasy jarııalaǵan Jastar jylynda bizge ózimizdiń azamattyq pozıtsııamyzdy bildirip, memleketimizdiń bolashaǵy úshin saılaýǵa belsene qatysý múmkindigi týyp otyr. Almaty oblysy boıynsha jastar resýrstyq ortalyǵynyń baspasóz hatshysy Aıdana Arsalan osyndaı pikir bildirdi, dep habarlaıdy QazAqparat tilshisi.

«Saılaýǵa qatysý - bul Qazaqstan azamattarynyń konstıtýtsııalyq quqyǵy men óz erkin bildirýge degen múmkindik. Biz jasaýǵa tıis alǵashqy qadam - saılaý ýchaskelerine kelip, óz daýysymyzdy prezıdenttikke laıyqty kandıdatqa berý. Bul - syrttaı baqylap, shet qalýǵa bolmaıtyn mańyzdy saıası oqıǵa. Óıtkeni elimizdiń bolashaǵy qandaı bolatyny respýblıkamyzdyń árbir turǵynynyń tańdaýyna baılanysty. Elimizdiń Tuńǵysh Prezıdenti Nursultan Nazarbaev Qazaq elin álemge tanytty, bedelin ósirdi, kóregen de salıqaly saıasatynyń arqasynda talaı bıikterge shyǵardy. Osy damýdyń dańǵyl jolyn odan ári jalǵastyrý úshin biz saılaýǵa bir kisideı qatysyp, óz tańdaýymyzdy jasaýǵa tıispiz», - dedi Aıdana Arsalan.