Saılaýda daýys berý arqyly árkim óz bolashaǵyna yqpal etedi - Sataı Syzdyqov
Onyń aıtýynsha, saılaýda daýys berý arqyly árkim óziniń bolashaǵyna yqpal etedi.
«Elimizdegi prezıdent saılaýyna at salysý jáne daýys berý árqaısymyzdyń ustanymymyzdy, tańdaý quqymyzdy aıshyqty kórsetetini sózsiz. Saılaýda árkim óziniń daýys berýi qajettigin túsinýi qajet. Óıtkeni azamattyq quqyǵyn paıdalaný arqyly árkim óziniń bolashaǵyna yqpal etedi. Túıindep aıtqanda, kez kelgen adam búgingi jasaǵan tańdaýy arqyly erteńin aıqyndaıdy. Sondyqtan demokratııalyq ustanymǵa baǵyt alǵan qoǵamda kez kelgen sanaly azamat óziniń belsendi saılaýda daýys berýin tek qana quqyǵy retinde emes, mindetim dep qabyldaýy qajet», - dedi Sataı Syzdyqov.
«Etnosaralyq qatynastar jáne QHA toleranttyǵy» ǵylymı-zertteý ortalyǵynyń dırektorynyń aıtýynsha, Qazaqstandaǵa túrli etnos ókilderi osy saılaýǵa belsene qatysyp, óz tańdaýyn jasaýǵa tolyq múmkindigi bar ekendigin atap ótti.
«Ata Zańda jalpyǵa birdeı ıaǵnı respýblıkanyń 18 jasqa jetken azamattarynyń tegine, áleýmettik, laýazymdyq jáne múliktik jaǵdaıyna, jynysyna, násiline, ultyna, tiline, dinge kózqarasyna, nanymyna, turǵylyqty jerine nemese kez kelgen ózge jaǵdaıattarǵa qaramastan, saılaýda daýys berýge qatysý quqyǵy berilgen. Osyǵan sáıkes Qazaqstan halqy Assambleıasy týraly zańyndaǵy 5-baptyń 3-shi tarmaqshasynda: «3) shyǵý tegine, jaǵdaıyna, jynysyna, násiline, ultyna, etnıkalyq tıesiligine, tiline, dinge degen qatynasyna, kez kelgen ózge de mán-jaılarǵa qaramastan nanymdaryna adamnyń jáne azamattyń quqyqtary men bostandyqtarynyń teńdigi» dep aıtylǵan. Endeshe, Qazaqstanda turatyn 100-den astam etnostar ókilderi osy saılaýǵa belsene qatysyp, óz tańdaýyn jasaýǵa tolyq múmkindigi bar degen sóz», - dedi ylymı-zertteý ortalyǵynyń dırektory.
Sataı Syzdyqov QHA-nyń kezekten tys saılaý ótýine qoldaý bildirgenin atap ótti.
«Qazaqstan halqy Assambleıasy osy joǵaryda atalǵan quqyqtaryn paıdalana otyryp, sáýir aıynda Qazaqstan halqy Assambleıasynyń keńeıtilgen májilisinde: «Biz bolashaq urpaq aldyndaǵy jaýapkershiligimizdi túsine otyryp, halyq pen eldiń bıik múddelerine súıenip, ózimizdiń azamattyq jáne patrıottyq paryzymyzdy oryndaı otyryp, Qazaqstan Respýblıkasy Prezıdentiniń kezekten tys saılaýy ótkizilýin qoldaımyz» dep úndeý qabyldaǵany málim. Munyń ózi Qazaqstanda turatyn túrli etnos ókilderi biriktiretin Qazaqstan halqy Assambleıasynyń eldegi saıası-áleýmettik máselelerdi sheshýde belsendi aralasatyn kúsh ekendigin aıshyqtady», - dedi ol.
Onyń pikirinshe, eldegi qaı etnostyń ókili bolsa da, saılaýǵa qatysyp, ózderiniń daýysyn berý arqyly saılaýdyń jappaı el ishinde ádil ótýine yqpal etýden qalys qalmaıdy.
«Al saılaýǵa belsene qatysý úshin saıası saýattylyq qajet. Onyń mánisi aınalamyzda bolyp jatqan oqıǵalardan, saıası partııalardyń jáne olardyń jetekshileriniń is-áreketterinen, kózqarastarynan habardar bolǵany durys. Sondyqtan elimizde turatyn barlyq etnos ókilderine ál-aýqatyq bolashaqqa jol ashatyn jáne de urpaqtar sabaqtastyǵyn jalǵastyratyn is-áreketter óte mańyzdy», - dedi Sataı Syzdyqov.