Saılaýda baıqaýshy bolýǵa 6 úkimettik emes uıym ótinim berdi - OSK
15:40, 02 Aqpan 2023
ASTANA. QazAqparat – Saılaýda baıqaýshy bolýǵa nıet bildirgen 6 úkimettik emes uıymnyń ótinimi qaralyp jatyr. Bul týraly Ortalyq saılaý komıssııasy janyndaǵy sarapshylyq keńestiń keńeıtilgen otyrysynda OSK tóraǵasy Nurlan Ábdirov aıtty, dep habarlaıdy QazAqparat tilshisi.
«Qazirdiń ózinde 6 úkimettik emes uıym respýblıka deńgeıinde saılaýda baıqaýshy bolýǵa nıet bildirdi. Olar akkredıtteý úshin qujattaryn tapsyrdy. Olardy Ortalyq saılaý komıssııasy qaraıdy. Memlekettik organdardan tıisti jaýap alý úshin kóp ýaqyt ketedi. Barlyǵy qaralady, barlyq uıym ruqsat alady dep senemin. Ol negizinen quzyrly organdardyń qandaı qorytyndy jaýap beretinine baılanysty», - dep málim etti Nurlan Ábdirov.