Saılaýda aryz-shaǵymdar bolǵan joq - ShYU baıqaýshylar mıssııasy
«QR Saılaý týraly zańyna sáıkes, tirkelgen kandıdattarǵa saılaýaldy úgit júrgizý úshin buqaralyq aqparattyq quraldaryna birdeı qoljetimdilik sharttary berildi. Mıssııa saılaý kampanııasy aıasyndaǵy sharalar QR zańnamasyna sáıkes, ashyq, azamattarǵa keńinen aqparat bere otyryp júrgizildi, BAQ-ta jan-jaqty ári tolyq habarlandy dep sanaıdy», - deıdi Vladımır Norov.
Sonymen qatar mıssııa jekelegen buzýshylyqtardy tirkedi. Spıkerdiń aıtýynsha, olar jappaı sıpatqa ıe bolǵan joq, saılaýdyń nátıjelerine de yqpal ete almaıdy.
«Kezekten tys Qazaqstan Prezıdenti saılaýy QR zańnamasyna, memleket qabyldaǵan halyqaralyq mindettemelerge sáıkes boldy. Mıssııa kezekten tys saılaýdyń zańdylyǵyna kúmán keltirerlikteı ulttyq zańnamanyń buzylýyn tirkegen joq», - dedi V. Norov.
Baıqaýshy mıssııanyń osy saılaý ashyq, demokratııashyl ári senimdi ótti dep moıyndaıtynyn jetkizdi. Onyń aıtýynsha, saılaýshylar ınternetke, sonyń ishinde áleýmettik jelilerge erkin kire aldy.
«Mıssııa mynany erekshe atap kórsetedi, OSK kezekten tys QR Prezıdent saılaýy boıynsha saılaý kampanııasyna qatysty aqparatty jarııalaý kezinde zańnamanyń saqtalýyn muqııat baqylap otyrdy. Mıssııa jumys istegen kezeńde oǵan BAQ-tyń úgit kampanııasyn habarlap otyrý jumysyna qatysty aryz-shaǵymdar túsken joq. Saılaýshylar ózderine qolaıly kezde ótinim bildirý múmkindigine ıe bolýy úshin azamattardyń ótinimderin qabyldaý ýaqyty barynsha uzartyldy», - deıdi V. Norov.
Avtor: Azamat Syzdyqbaev