Saılaýda ákimshilik resýrstar asyra paıdalanylǵan joq – Rasýl Jumaly

NUR-SULTAN. QazAqparat – Saılaý – kez kelgen memleket úshin synaq jáne memlekettiń turaqtylyǵynyń kórsetkishi. Bul týraly Sailau Talks-2021 sharasynda Saıasattanýshy Rasýl Jumaly aıtty, dep habarlaıdy QazAqparat tilshisi.

«Túpkilikti qorytyndysy shyqpaı jatyp saılaýdyń qalaı ótkeni týraly baǵa berý qıyndaý bolar, biraq óz oıymdy aıtar bolsam – ájeptáýir alǵa basý bar», - deıdi saıasattanýshy Rasýl Jumaly.

Onyń aıtýynsha, saılaýǵa halyqtyń 63%-nyń qatysýy – jaqsy kórsetkish.

«Saılaýǵa 6 partııanyń beseýi qatysty. Saılaý – kez kelgen memleket úshin synaq jáne memleket turaqtylyǵynyń kórsetkishi. Saılaýda ákimshilik resýrstardy asyra paıdalanýdy, osy máselege ákimderdiń aralasýyn, qara PR degendi baıqaǵan joqpyn. Bul joly partııalar saılaýǵa daıyndyqpen keldi. Jalpy baǵyt-baǵdarlary durys, bul – jaqsy qadam», - deıdi ol.

Eske sala ketsek, buǵan deıin Sailau Talks-2021 sarapshylary ótip jatqan saılaýdyń mańyzyn talqylaıtynyn jazǵan bolatynbyz.

Іs-sharany Qazaqstan saıası ǵylymdar qaýymdastyǵy «QazAqparat» Halyqaralyq aqparat agenttiginiń qoldaýymen uıymdastyryp otyr.