«Saılaý joǵary deńgeıde ótedi» - respýblıkalyq basylymdarǵa sholý
«Egemen Qazaqstan» gazetiniń jazýynsha, keshe Elbasy Nursultan Nazarbaevtyń Ońtústik Qazaqstan oblysyna jumys sapary qasıetti Túrkistan qalasynda jalǵasty. Munda Prezıdent Qoja Ahmet ıAsaýı mavzoleıinde bolyp, osynda jaı tapqan ultymyzdyń uly tulǵalaryna zııarat etti. Osydan keıin qaladaǵy mádenı-tarıhı etnografııalyq ortalyqta bolyp, zııaly qaýym ókilderimen kezdesti. Memleket basshysynyń ońtústik óńirdegi sapary jaıynda tolyq aqparatty «Áńgime arqaýy - birlik» degen maqaladan alasyzdar.
«Keshe Qazaqstan Respýblıkasynyń Memlekettik hatshysy - Syrtqy ister mınıstri Qanat Saýdabaev Eýropa Keńesi Parlamenttik Assambleıasynyń Prezıdenti Mavlıýt Chavýshoǵlýmen telefon arqyly sóılesti», - dep jazady «Egemen Qazaqstan» gazeti búgingi nómirindegi «Saılaý joǵary deńgeıde ótedi» degen shaǵyn maqalasynda. Basylymnyń atap ótýinshe, áńgimelesýshi taraptar Qazaqstan men Eýropa Keńesiniń Parlamenttik Assambleıasy arasyndaǵy yntymaqtastyq máselelerin jáne onyń nyǵaıýy men keńeıýin talqyǵa saldy.
«Aıqyn» gazetiniń jazýynsha, elimizdegi kezekten tys prezıdent saılaýyn baıqaýshylar sany 95 adamǵa jetti. Aldaǵy saılaýdy baıqaýǵa Eýropadaǵy qaýipsizdik jáne yntymaqtastyq uıymy yqylas tanytyp otyr. Óıtkeni ál ázirge tirkelgen baıqaýshylardyń jartysyna jýyǵy, ıaǵnı 44-i atalmysh uıymnyń Demokratııalyq ınstıtýttar jáne adam quqyqtary jónindegi bıýrosynyń mıssııasynan. Keshe Ortalyq saılaý komıssııasy Táýelsiz memleketter dostastyǵy uıymynyń mıssııasynan 15 baıqaýshyny jáne shet memleketterden 6 baıqaýshyny tirkedi. Aǵymdaǵy jyldyń basty saıası oqıǵasyna qatysty tolyq aqparatty «Baıqaýshylar tirkelýde» degen maqaladan bilesizder.
Osy basylymnyń turaqty «Aq sóıle!» aıdarynda jazýshy, Qazaqstannyń eńbek sińirgen qaıratkeri, Halyqaralyq televızııa jáne radıo akademııasynyń akademıgi Sultan Orazalymen aradaǵy suhbat «Qazaqstan» arnasynyń ulttyq arna bolatyny qýantady» degen taqyryppen berilgen. Basylym tilshisiniń barlyq saýaldaryna tuşymdy jaýap bergen ol: «Televızııa degen - kosmopolıttik óner. Mysal úshin, búginde orystar da kóptegen jańa baǵdarlamalardy ózderi taýyp jatqan joq. Olar Eýropanyń, AQSh-tyń baǵdarlamalaryn kóshirip berip otyr. Tipti «KVN» habarynyń ózi orystiki emes. Maslıakovtar munyń bárin shetelden kórip, Reseıge alyp kelgen. Bul baǵdarlama orystyq betin keıin aldy», - deıdi.
Elimizde sońǵy jyldary ekonomıkalyq ósimge asa mán berilip, óndiris oshaqtaryn zamanaýı úlgidegi jabdyqtarmen jaraqtandyrý isi qolǵa alynyp jatyr. Alaıda buǵa kásiporyndardyń basym bóligi, tórtten úshi qaýqarsyz. Aqyly barynyń aqshasy joq nemese kerisinshe. Keńestik júıeden qalǵan eski tehnıkany serik etkender birtindep bıznes marafonynan shyǵyp qalyp jatyr. Bul másele keshe Astanada elimizdegi óndiris salasyn jańǵyrtýǵa arnalǵan ǵylymı-tájirıbelik konferentsııa asynda taǵy bir márte qozǵaldy. Bul jaıynda «Alash aınasy» gazetiniń senbilik sanyndaǵy «Qola dáýirinde» qalyp qoıǵan kásiporyndarǵa qoldaý kerek» degen maqaladan egjeı-tegjeıli bile alasyzdar.
«Alash aınasy» gazetiniń turaqty «Dat!» aıdarynda ánshi Maıra Іlııasovamen aradaǵy suhbat «Aqsha talantty týdyra almaıdy, kerisinshe, shyn talant aqshany qul ete alady» degen taqyryppen berilgen. Basylym tilshisiniń barlyq saýaldaryna tuşymdy jaýap bergen ol: «Men bir nárseni túsinbeımin: halyqaralyq saıystar, olımpıadalarda júlde alyp kelgen sportshyǵa Almaty ne Astanadan páter beredi de, dál sondaı dúnıejúzilik dárejedegi án baıqaýynan bas júlde alǵan birde-bir ánshige úı bermek túgil, elemeıtin de kezder az emes. Áli kúnge talaı baıqaýdyń júldegerleri, myqty ánshiler páter jaldap turady», - deıdi.
«Memleket basshysy Nursultan Nazarbaev Japonııa Premer-mınıstri Naoto Kanǵa kóńil aıtý jedelhatyn joldady», - dep jazady «Kazahstanskaıa pravda» gazeti. Basylymnyń atap ótýinshe, onda Elbasy Japonııadaǵy jer silkinisi kezinde oryn alǵan surapyl apattyń qurbandaryna baılanysty qaıǵyǵa ortaqtastyǵyn bildirip kóńil aıtqan.