Saılaý: úsh úmitkerdiń qujattary memlekettik organdarda tekserilip jatyr

ASTANA. QazAqparat – Qazaqstan prezıdenttigine kandıdat úsh adamnyń qujaty tekserilip jatyr. Bul týraly elordada ótken brıfıngte Ortalyq saılaý komıssııasynyń múshesi Shavhat Ótemisov aıtty, dep habarlaıdy QazAqparat tilshisi.

Qazirgi kezde 7 adamnyń qujaty qabyldandy. Onyń tórteýi QR prezıdentin kezekten tys saılaýda kandıdat retinde talaptarǵa saı bolyp shyqty. Al úsh adamnyń qujattary tıisti memlekettik organdardyń qaraýyna jiberilgen.

«Talaptarǵa saı keletin kandıdattardyń arasynda Meıram Qajyken, Jıgýlı Daırabaev, Nurlan Áýesbaev, Qasym-Jomart Toqaev bar. Al úsh úmitkerdiń qujattary memlekettik organdarda. Bul turǵyda Nurjan Áltaevtiń, Qaraqat Ábdenniń, Talǵat Erǵalıevtiń qujattary qaralyp jatyr», - dedi Shavhat Ótemisov Ortalyq saılaý komıssııasynda ótken baspasóz máslıhatynda.

Budan buryn habarlanǵandaı, búgin Nurlan Áýesbaev Qazaqstan prezıdenttigine kandıdat retinde talaptarǵa saı boldy.

7 qazan kúni prezıdenttikke usynylǵan Nurjan Áltaevtyń qujattary tekserilip jatqany aıtyldy.