Saılaý ýchaskelerindegi kameralardy jaýyp qoıý zańǵa qaıshy emes

NUR-SULTAN. QazAqparat – Saılaý ýchaskelerindegi daýys berýge arnalǵan kabınkalardaǵy beınekameralardyń betin búrkemelep qoıý zańǵa qaıshy emes. Bul týraly Nur-Sultan qalalyq saılaý komıssııasynyń tóraǵasy Baqyt Bektemisova aıtty, dep habarlaıdy QazAqparat tilshisi.

«Saılaý týraly» Konstıtýtsııalyq zańnyń 3-baby 1-tarmaǵyna sáıkes saılaý jasyryn daýys berý arqyly ótkiziledi. Jasyryn daýys berý mindetti túrde saqtalýy tıis. Osyǵan oraı saılaý ýchaskelerindegi beıne baqylaýǵa arnalǵan statsıonarlyq kameralardyń barlyǵy jumys istemeıdi jáne búrkemelengen. Bul barlyq ýchaskege qatysty. Degenmen, kameralar negizinen mektepterde, oqý oryndarynda, áleýmettik nysandarda bar. Kóptegen ǵımaratta qaýipsizdik úshin beınebaqylaý ornatylǵan. Biraq, saılaý kúninde biz olardyń barlyǵyn jaýyp qoıdyq nemese ajyrattyq. Óıtkeni, jasyryn daýys berý saqtalýy tıis», - dedi Baqyt Bektemisova.

Aıta keteıik, áleýmettik jelide elordadaǵy saılaý ýchaskeleriniń birinde beınebaqylaý kamerasynyń búrkemelenip turǵan sýreti tarap, jeli qoldanýshylary arasynda túsinbeýshilik týdyrǵan bolatyn.