Saılaý ýchaskelerinde qoǵamdyq tártipti buzý faktileri tirkelmedi - Marat Qojaev
«Qazaqstan Respýblıkasyndaǵy saılaý týraly» zańǵa sáıkes quqyq qorǵaý organdary saılaý kezinde quqyqtyq tártipti qamtamasyz etedi. Osyǵan baılansty 7-11 maýsym aralyǵynda ishki ister organdarynyń jeke quramy qyzmet atqarýdyń kúsheıtilgen kestesine kóshti. Ákimshilik jáne memlekettik organdarmen birlesip, quqyqtyq tártipti qamtamasyz etý úshin arnaıy shtabtar quryldy. Qoǵamdyq oryndarda qaýipsizdikti 10 myń polıtsııa qyzmetkeri jáne ulttyq ulan áskeri qamtamasyz etip jatyr. Sondaı-aq bizdiń jedel basqarý ortalyqtarynyń beınebaqylaý kamerlary da qadaǵalap otyr. Biz barlyq saılaý ýchaskelerindegi qoǵamdyq tártipti qadaǵalap otyrmyz», - dedi M.Qojaev.
Onyń atýynsha, eki aýysymdyq rejimde 19 myńnan astam polıtsııa qyzmetkeri jumys istep jatyr. Keshe barlyq saılaý ýchaskeleri tekserilip, olardyń qaýipsizdigi qamtamasyz etildi. Órt bolmaýy úshin tıisti sharalar qabyldandy.
«Saılaý ýchaskelerindegi oqıǵalarǵa ýaqytyly den qoıý úshin árbir qalalyq, aýdandyq organdardan utqyr jedel tergeý toptary quryldy. Olardyń quramyna prokýratýra qyzmetkerleri de kiredi. Azamattar men saılaý komıssııalarynyń kez kelgen aryzdary boıynsha ishki ister organdary ýaqytyly den qoıýy úshin sharalar qabyldanyp jatyr. Saılaý týraly zańǵa sáıkes ishki ister organdarynyń qyzmetkerleri daýys berý oryndaryna tek komıssııa tóraǵasy shaqyrǵan kezde ǵana kiredi. Tártip qalpyna keltirgennen keıin ol jerden dereý shyǵyp ketedi. Jalpy osy saǵatqa deıin saılaý ýchaskelerinde jaǵdaı turaqty. Qoǵamdyq tártipti buzý faktileri tirkelgen joq. Saılaý komıssııalarynan aryzdar kelip túsken joq», - dedi Marat Qojaev.