Saılaý týraly jańa zań belsendi jastar sanyn arttyrýǵa yqpal etedi - Aıdos Sarym
«Qabyldanǵan jańa zań - QR Prezıdenti aıtqan birinshi saıası reformalar paketiniń bóligi. Bul jaǵdaıda zań jas depýtattardyń sanyn arttyryp, genderlik quramǵa yqpal etedi. Bizde Májilis pen Senattan bastap, oblystyq, aýdandyq máslıhattarǵa deıin erler sany basym. Jańa zańǵa sáıkes, QR Parlamenti Májilisine, qalalyq máslıhattarǵa jańa saılaýǵa úmitkerler partııalyq tizim boıynsha qatysady. Qazir elimizde aıtarlyqtaı qyzyqty protsester júrip jatqanyn túsiný kerek. Bul - saıası ómirge qatysqysy keletin barlyq adamǵa múmkindik. Usynylyp otyrǵan sheshim de jaman emes», - dedi saıasattanýshy.
Onyń aıtýynsha, qazir jastar belsendilik tanytýy qajet.
«Jastar belsendi qatyspaǵan normalardyń bereri az. Bul - qoldanyp qalýǵa turarlyq úlken múmkindik. Qazir belsendi bolý kerek. Eger qoǵamda bedeli bar, tanymal tulǵa bolsań, partııalardyń ózi-aq birlesip jumys isteýdi usynady. Qolda bar múmkindikterdi paıdalanyp, osy naryqty jaýlap alý qajet», - dep keńes berdi Aıdos Sarym.