Saılaý týraly bastama arqyly Parlament batyl áreketke baryp otyr - N. Erimbetov

ASTANA. QazAqparat - Merziminen buryn saılaý týraly bastama arqyly Parlament saıası batyl áreketke baryp otyr. Májilistiń merziminen buryn saılaýy týraly depýtattardyń bastamasyna oraı, QazAqparat tilshisine pikirin bildirgen «Qazaqstannyń Azamattyq alıansy» Zańdy tulǵalar birlestiginiń tóraǵasy Nurlan Erimbetov osylaı málim etti.

«Men depýtattardyń bastamasyn der kezinde kóterilgen másele dep sanaımyn. Jalpy, bul bastama arqyly Parlament saıası batyl áreket jasady. Olardy sol úshin de qurmetteýge bolady. ıAǵnı, depýtattar qazirgideı aýmaly zamanda qoǵamǵa óz tańdaýyn jasaýdyń ońtaıly múmkindigin usynyp otyr», - dedi N. Erimbetov.

Onyń paıymynsha, Elbasy atalǵan bastamaǵa qoldaý kórsetip, elimizde merziminen buryn saılaý taǵaıyndalsa, onda osynyń ózi eldegi barlyq partııalar úshin, jalpy qoǵam úshin úlken synaq bolmaq.

«Kez-kelgen saılaý arqyly qoǵamnyń kóńil kúıin anyqtaýǵa bolady», - deıdi ol.