Saılaý: Senimger tulǵaǵa qandaı talaptar qoıylady
«Partııalyq tizimderdi usynǵan barlyq saıası partııalarda úgit júrgizýge kómektesetin senimger tulǵa bolýy kerek. Senimger tulǵalardyń qyzmeti «Saılaý týraly» Konstıtýtsııalyq zańnyń 31-baby, 20.1 tarmaǵymen retteledi. Saılaý týraly zańnyń 31-babyna sáıkes, saıası partııanyń kandıdattary senimger tulǵalardy óz qalaýy, tıisti okrýg boıynsha saılaý ýchaskesine úsh adamnan aspaıtyndaı etip anyqtaıdy. Saıası partııanyń kandıdattary aýmaqtyq saılaý komıssııasyna ótinish bildirgen ókilderdi ishinen óz qalaýy boıynsha senimger tulǵalardy tańdap alady», - deıdi «Aq jol» partııasyndaǵylar partııa atynan baqylaýǵa qatysatyndarǵa arnalǵan trenıngte.
Trenıngte senimger tulǵalardyń tizimi eki kún ishinde tirkeletini aıtyldy.
«Senimger tulǵalardyń tizimi jasalǵan soń aımaqtaǵy fılıal tóraǵasy tizimge qol qoıady jáne senimger tulǵanyń ótinishimen aýmaqtyq saılaý komıssııasyna tapsyrylady, ol eki kúntizbelik kún ishinde tizimderdi tirkeýge nemese eki kún ishinde tirkeýden bas tartýǵa mindetti. Bas tartý onyń sebebin kórsete otyryp dáleldenýi kerek» - dep túsindirildi trenıngte.
Sondaı-aq, «Aq jol» partııasy senimger tulǵalarǵa qoıylatyn talap týraly aıtty.
«Senimger tulǵa QR azamaty bolýy kerek. Ol saılaý komıssııasynyń múshesi nemese memlekettik qyzmetker bolmaýy kerek. Senimger tulǵa baqylaýshylarda bar quqyqtar men mindetterdi oryndaıdy jáne jazbasha túrde usynylǵan quziret aıasynda jumys isteıdi», - deıdi partııa múshesi trenıngte.