Saılaý: Ortalyq saılaý komıssııasy kandıdattardyń saılaýaldy shtabtaryn oqytýdy bastady
«Qarjylandyrý erejelerin buzý jáne úgit-nasıhat erejelerin buzý saılaý naýqandarynyń óte mańyzdy aspektisi bolyp sanalady. Ol úshin ákimshilik jáne konstıtýtsııalyq-quqyqtyq jaýapkershilik qarastyrylǵan. Eger kandıdattardyń shtabtary erejelerdi buzsa, bul kandıdatýralardy alyp tastaýǵa da ákep soǵady», - dedi OSK tóraǵasynyń orynbasary Konstantın Petrov semınar qatysýshylaryna.
OSK múshesi Sábıla Mustafına saılaýdy uıymdastyrý men ótkizýge jumsalatyn shyǵyndar qalaı qarjylanatynyn túsindirdi.
«Saılaýdy qarjylandyrý – saılaýdy daıyndaý men ótkizýdi qarjylyq qamtamasyz etýge, saılaý aldyndaǵy úgit-nasıhatty qarjylandyrýǵa baılanysty sharalardyń jıyntyǵy. Saılaýdy uıymdastyrý men ótkizýge arnalǵan shyǵyndardy qarjylandyrý QR Saılaý týraly konstıtýtsııalyq zańynda jazylǵan. Qoldanystaǵy zańnamaǵa sáıkes, saılaýdy memlekettik jáne memlekettik emes qarjylandyrý normalary kózdelgen.
Prezıdent saılaýy osy maqsattar úshin ashylatyn jergilikti atqarýshy organdardyń shottary arqyly respýblıkalyq bıýdjet qarajatynan qarjylandyrylady. Saılaý naýqany aıasynda kandıdattardyń saılaý aldyndaǵy úgit-nasıhat shyǵyndary qarjylandyrylady», - dedi S. Mustafına.
Aıta keteıik, keshe saǵat 18:00-de prezıdenttikke úmitkerlerdiń saılaýaldy úgit-nasıhat naýqany bastaldy.