Saılaý oń ózgerister men jańa bastamalarǵa sebep bolady - Núrken Aralbekov

TÚRKІSTAN. QazAqparat- Eki aıdan soń el turǵyndary Qazaq eliniń jańa Prezıdentin saılaıdy. Bul saıası naýqannyń el turǵyndary úshin mańyzy joǵary. Túrkistan oblysy qoǵamdyq damý basqarmasynyń otbasy jáne jastar máseleleri jónindegi bólim basshysy Núrken Aralbekov jarqyn bolashaq úshin jáne balalarynyń keleshegi úshin óz tańdaýyn jasaýǵa ázir.

Núrken Baýyrjanuly konstıtýtsııalyq reformanyń iske asýynyń arqasynda saılaý naýqany da barlyq zań talaptaryn saqtaı otyryp júrgiziletinine senimdi. Jas maman sońǵy úsh jylda jasalǵan ózgerister men konstıtýtsııalyq reforma memlekettik-saıası qurylymnyń jańa úlgisin qalyptastyryp keledi dep biledi.

«Prezıdenttiń halyqqa Joldaýynda aıtylǵan Ulttyq qordyń jyl saıynǵy ınvestıtsııalyq tabysynyń 50 paıyzyn balalardyń arnaýly jınaqtaýshy esepshotyna aýdarýdy usynýy da el arasynda qyzý qoldaý tapty. Bul qarajat óskeleń urpaqtyń úlken ómirge qadam basýyna múmkindik beredi. Eńbekpen qamtıtyn túrli sharalar arqyly kelesi jyly 100 myń jasty jumysqa ornalastyrý, jastardyń kásipkerlik bastamalaryna qoldaý kórsetýdi jalǵastyrý da - kún tártibinen túspeıtin másele. Qarapaıym turǵyn retinde osy áleýmettik mańyzy zor máseleler sheshimin tapsa eldegi saıası júıeni ózgertýdiń mán-mańyzyn oń qabyldaımyn»,-deıdi ol.

Aldaǵy 20 qarashada kezekten tys Prezıdenttik saılaý ótedi. Bul týraly búgin Prezıdenttiń qaýlysy jarııalandy. Demek el turǵyndaryn mańyzy joǵary saıası naýqan kútip tur.

«Bul saılaý naýqany el ekonomıkasyn qarqyndy damytýdy, halyqtyń ál-aýqatyn arttyrýdy kózdeıtin mindetterdi júzege asyrýǵa múmkindik beretini anyq. Demokratııanyń jarqyn úlgisi bolatyn saıası naýqan tek oń ózgerister men jańa bastamalarǵa sebep bolady degen oıdamyn», - deıdi, Túrkistan oblysy qoǵamdyq damý basqarmasy otbasy jáne jastar máseleleri jónindegi bólim basshysy Núrken Aralbekov.

Foto: turkystan.kz