Saılaý: Nurlan Ábdirov TMD PAA baıqaýshylar tobymen kezdesti

ASTANA. QazAqparat – Búgin Ortalyq saılaý komıssııasynyń tóraǵasy Nurlan Ábdirov Táýelsiz Memleketter Dostastyǵyna qatysýshy memleketterdiń Parlamentaralyq Assambleıasynyń (TMD PAA) baıqaýshylar tobymen vıdeokonferentsııa rejıminde kezdesý ótkizdi, dep habarlaıdy QazAqparat.

Ortalyq saılaý komıssııasynan málim etkendeı, bul top QR Parlamenti Májilisi depýtattaryn kezekten tys saılaýǵa daıyndyq jáne ony ótkizý jumystaryna monıtorıng júrgizedi.

«Nurlan Ábdirov TMD PAA baıqaýshylaryn jańartylǵan zańnama boıynsha júrgiziletin Qazaqstan Respýblıkasy Parlamenti Májilisiniń depýtattaryn saılaý jónindegi aǵymdaǵy saılaý naýqanynyń negizgi kezeńderimen tanystyrdy.

Budan basqa, OSK tóraǵasy kezdesýge qatysýshylardy partııalyq tizimderdi tirkeý qorytyndylary, jerebe tartýdyń nátıjeleri, sondaı-aq Parlament Májilisiniń depýtattyǵyna birmandattyq aýmaqtyq saılaý okrýgteri boıynsha saılanatyn kandıdattardy tirkeý qorytyndylary týraly habardar etti», - delingen baspasóz habarlamasynda.

Óz kezeginde TMD PAA delegatsııasynyń basshysy Dmıtrıı Kobıtskıı kezdesýdi uıymdastyrǵany úshin alǵys bildirgen. Qazirgi ýaqytta TMD PAA baıqaýshylar tobyn qalyptastyrý jalǵasyp jatqany atap ótildi. Oǵan keminde 50 adam, onyń ishinde TMD-ǵa qatysýshy memleketter Parlamentteriniń depýtattary, TMD PAA Keńesi hatshylyǵynyń qyzmetkerleri jáne saılaý protsesteri salasynda kásibı bilimi bar sarapshylar kiredi dep josparlanýda.

Ol sondaı-aq TMD PAA baıqaýshylar tobynyń úılestirýshisi bolyp Armenııa Respýblıkasy Ulttyq jınalysynyń Óńirlik máseleler jáne eýrazııalyq ıntegratsııa máseleleri jónindegi turaqty komıssııasy tóraǵasynyń orynbasary, Armenııa-Qazaqstan parlamenttik dostyq tobynyń jetekshisi Vagarshak Akobıan taǵaıyndalǵanyn habarlady.

Delegatsııa basshysy TMD PAA-dan halyqaralyq baıqaýshylar toby Qazaqstan Respýblıkasy Parlamenti Májilisi depýtattarynyń kezekten tys saılaýyna daıyndyq pen ótkizý monıtorıngin saıası beıtaraptyq, alalamaýshylyq, ashyqtyq jáne saılaý protsesine aralaspaý qaǵıdattaryna súıene otyryp, júzege asyratynyna sendirdi.

Sondaı-aq TMD PAA ókilderi buqaralyq aqparat quraldarynda saılaý naýqanyn jarııa etý monıtorıngi, saılaýdy qarjylandyrý, elektoraldyq oqytý jáne saılaý naýqanyna qatysýshylardyń teń quqyǵyn qamtamasyz etý máselelerimen tanysty.

Barlyq qoıylǵan suraqtarǵa QR OSK músheleri tolyq jaýap berdi.

Nurlan Ábdirov óz kezeginde delegatsııaǵa Qazaqstandaǵy saılaýdy halyqaralyq baıqaýǵa turaqty qatysatyny úshin alǵys aıtyp, TMD PAA baıqaýshylar tobynyń tolyqqandy jáne tıimdi jumysy úshin barlyq qajetti jaǵdaılar jasalatynyn atap ótti.

Búgingi tańda 11 memleketten jáne 3 halyqaralyq uıymnan 97 halyqaralyq baıqaýshy akkredıttelgen.

Foto: election.gov.kz