Saılaý naýqanyna qatysýshylardyń qarjylyq ashyqtyǵy qamtamasyz etiledi

NUR-SULTAN. QazAqparat – Saılaý naýqanyna qatysýshylardyń barynsha qarjylyq ashyqtyǵy qamtamasyz etiledi. Bul týraly búgin Úkimet otyrysynda QR Ulttyq ekonomıka mınıstri Álibek Qýantyrov aıtty, dep habarlaıdy QazAqparat tilshisi.

Onyń aıtýynsha, Memleket basshysynyń Joldaýyn iske asyrý jónindegi jalpyulttyq is-sharalar josparynyń «Saılaý protsesin jańǵyrtý» besinshi baǵytynda saılaý naýqanyna barlyq qatysýshylardyń barynsha qarjylyq ashyqtyǵyn qamtamasyz etý kózdelgen.

«Saılaý protsesin jańǵyrtý» besinshi baǵyty boıynsha saılaý aldyndaǵy úgit kezeńinde áleýmettik jelilerde úgit júrgizýge ruqsat berý, baıqaýshylardyń qyzmetin retteý, aýmaqtyq saılaý komıssııalary qyzmetiniń qaǵıdattaryn qaıta qaraý, saılaý qorlaryna qaıyrymdylyqtyń shekti mólsherin belgileý, saılaýǵa shetelderdiń aralasýyna jol bermeý úshin is-sharalar qabyldaý, sondaı-aq saılaý naýqanyna barlyq qatysýshylardyń barynsha qarjylyq ashyqtyǵyn qamtamasyz etý josparlanady», -dedi mınıstr.