Saılaý: Mańǵystaýlyqtar ár eldimekenge ázirlengen baǵdarlamamen tanysty

AQTAÝ. QazAqparat - «Nur Otan» partııasynyń taıaýdaǵy 5 jylǵa arnalǵan óńirlik saılaýaldy baǵdarlamasynyń jobasy «Qazaqtelekom» AQ eńbek ujymyna tanystyryldy.

Oblystyq shtab músheleri baǵdarlamanyń 7 basym baǵytyna tereńirek toqtalyp, partııanyń yqpal etetin jumystaryn atap ótti. Bıylǵy baǵdarlama ár óińrge jeke dara taldanyp, saraptalyp jasaqtalǵany tilge tıek etildi.

Jalpy partııa bıylǵy jyly ózgergen formatta jumys jasaýda. Sonyń biri Elbasy, partııa Tóraǵasy N.Á.Nazar­baevtyń tapsyrmasymen partııaishilik saılaý ótkizildi.

Odan qalsa saılaý naýqany aldyndaǵy úgit-nasıhat jumystary halyqpen keri baılanys, ashyq dıalog, tikeleı efır, onlaın, oflaın kezdesýler, turǵyndardy esh jerge jınamaı-aq, shańyraqtaryna baryp talap-tilekterin tyńdaý, usynystaryn jazyp alý sekildi is-sharalardy júzege asyrýda.

Máselen, partııaishilik saılaý kezinde elimiz boıynsha azamattardan 20 myńnan astam usynys jınaldy.

Taldaýǵa nazar aýdarar bolsaq, qarapaıym halyqtyń talap-tilekteriniń kópshiligi jol sapasy, sý, gaz júrgizý, turǵyn úımen qamtý, bilim berý nysandaryn salý, materıaldyq bazany jańartý, ǵalamtor jyldamdyǵyn jaqsartý sekildi máselerge qatysty boldy.

Kóterilgen máselelerdiń ózektiligi eskerilip, oblystyq, aýdandyq, qalalyq saılaýaldy baǵdarlama jasaldy.

Munda ár óńirdiń turǵyndarynyń usynystary boıynsha 5 jylda atqarylatyn jumystar qatary engizildi.

Partııanyń saılaýaldy baǵdarlamasymen tanysqan qyzmetkerler ózderin mazalaǵan suraqtar boıynsha shtab ókilderimen pikirlesti. «Nur Otan» partııasyn qoldap, daýys berýge shaqyrdy.

«Nur Otan» partııasy Mańǵystaý oblysy Aqtaý qalasynyń Saılaý qorynyń qarajatynan tólendi