Saılaý kúni Qaraǵandy oblysynyń qalalarynda jol júrý tegin bolady

QARAǴANDY. QazAqparat – Saılaý kúni, 19 naýryzda Qaraǵandy oblysynyń qalalarynda avtobýstarmen júrý tegin bolady, dep habarlaıdy QazAqparat tilshisi.

Qaraǵandyda saılaý kúni qala mańyndaǵy № 71, 72, 73, 115, 117, 41, 495, 500A marshrýttardy qospaǵanda, qalalyq marshrýttarmen tegin júrýge bolady.

Qoǵamdyq kólik jeksenbi kúngi kestege sáıkes júredi.

Dúısenbi, 20 naýryzda avtobýstar shtattyq rejımde jumys isteıdi.

Sondaı-aq, Temirtaý, Saran, Shahtınsk, Abaı, Balqash jáne Prıozersk marshrýttarynda tegin jol júrý qamtamasyz etiledi.

Qalaaralyq marshrýttarda, onyń ishinde № 146, 121, 107, 122, 100, 127, 165, jol júrý qoldanystaǵy tarıfter boıynsha aqyly bolady.