Saılaý kúni Almaty oblysynda 94 sábı dúnıege keldi

TALDYQORǴAN. QazAqparat – Saılaý kúni Almaty oblysynda 94 sábı dúnıege keldi, dep habarlaıdy QazAqparat tilshisi.

Onyń ishinde 13 sábı taldyqorǵandyq. Olardyń 7-i ul, 6-y qyz bala. Bul týraly oblystyq perınataldyq ortalyq basshysy Qanat Jumashev málimdedi.

Dárigerler saılaý kúni ómir esigin ashqan náresteler men olardyń analarynyń qazirgi jaǵdaıy jaqsy ekenin aıtty. Sábılerge Saılaý, Saılaýbek, Saılaýgúl syndy esimder berilip jatyr.

Aıta keterligi, táýlik sońyna deıin jańa týǵan sábılerdiń qatary taǵy ósýi múmkin.

Ortalyq dırektorynyń aıtýynsha, bıylǵy jyly bala týý kórsetkishi joǵary. Ótken jyldyń 12 aıynda 6 600 ana bosansa, bıyl jyl sońyna deıin 7 000-ǵa jetedi dep kútilip otyr.