Saılaý komıssııasynyń ókilderi shalǵaıda ornalasqan shekara zastavalaryna tikushaqpen, kememen jetti - QR UQK ShQ (FOTO)

ASTANA. QazAqparat - Qazaqstandyq shekarashylar men olardyń otbasy músheleri tańerteń erte bastalǵan Qazaqstan Respýblıkasy Parlamenti Májilisi saılaýynda belsendi daýys berdi, dep habarlady QR UQK ShQ baspasóz qyzmeti.

QR UQK Shekara qyzmetinde daýys berý belsendi ári barlyq qaǵıdalardy qatań saqtaýmen ótýde. Bólimshelerde saılaýdyń uıymdastyrý-tehnıkalyq barysyn ortalyq baǵynystaǵy bólimderde de shalǵaıdaǵy zastavalar men QO UQK ShK Akademııasynda da arnaıy toptar júzege asyrýda.

Memlekettik shekara saqshylary 100 paıyz qatysýymen, daýys esepteý jyldamdyǵymen erekshelendi.

- Otanymyzdyń keleshegine beı-jaı qaraı almaımyz, - dep atap ótti QR UQK ShQ jedel qyzmettiń áskerı qyzmetshileri. - Biz Shekara qyzmeti sapynda qyzmetimizdi atqaryp júrip, Qazaqstannyń keleshegi úshin daýys bergenimizdi maqtan tutamyz.

Daýys berý QR UQK Shekara qyzmetiniń 58 saılaý ýchaskesinde ótti.

Shekarashylar turaqty jaýyngerlik kezekshiliktegi alys ornalasqan «Bóget», «Ústirt», «Dalıa», «Qulaly» shekara zastavalarynda saılaýdy uıymdastyrý úshin zańnamany saqtaı otyryp, saılaý komıssııasynyń ókilderi orynǵa tikushaqpen, kememen jetti. Sondaı-aq eldiń keleshegi úshin daýys berýge Kaspıı teńiziniń akvatorııasyna Memlekettik shekarany qorǵaý boıynsha mindetterdi oryndaǵan jeke quram Aqtaý portynyń jaǵalaýyna keldi.

Teńiz shekarashylary «Jaǵalaý kúzeti» óńirlik basqarmasynyń jaqyn mańdaǵy áskerı bóliminde daýys berdi. Al soltústik Kaspııde kemelerde kezekshilik etetin teńizshiler Baýtıno kentinde daýys berdi.

Daýys bergennen keıin teńiz shekarashylary mańyzdy qyzmetin atqarý úshin qaıta teńizge ketti, keshke ár túpkirden barlyq bıýlletender jınaqtalatyn bolady.