Saılaý: Halyqaralyq baıqaýshylar Toqaevtyń shtabynda boldy

ASTANA. QazAqparat - Búgin QR Prezıdenttigine kandıdat Qasym-Jomart Toqaevtyń Respýblıkalyq qoǵamdyq shtabyna TMD Baıqaýshylar mıssııasy shtaby basshysynyń orynbasary Oleg Kýleba bastaǵan halyqaralyq baıqaýshylar keldi. Bul týraly QazAqparat shtabqa siltememen habarlaıdy.

Baıqaýshylardy saılaýaldy shtabtyń jumysymen «AMANAT» partııasynyń Hatshysy Dáýlet Káribek pen QR Kásipodaqtar federatsııasy tóraǵasynyń orynbasary Nurlan Óteshev tanystyrdy.

Shtabta «AMANAT», QHP, «Aq jol» partııalarynyń, túrli qoǵamdyq birlestikterdiń, «Jastar Rýhy» jastar qanatynyń ókilderi jumys isteıdi.

Eske salsaq, elimizde 20 qarasha kúni kezekten tys prezıdent saılaýy ótedi. Úmitker Qaraqat Ábden el aımaqtaryn aralap, 13 qala men birneshe aýyldyq eldi mekende 20-dan astam kezdesý ótkizdi. Aldaǵy ýaqytta ol Soltústik Qazaqstan, Túrkistan, Jambyl oblystarynyń saılaýshylarymen kezdesý ótkizedi.