Saılaý: Elordalyqtar óz saılaý ýchaskesin qalaı bile alady

NUR-SULTAN. QazAqparat - Qazaqstanda Parlament Májilisi men máslıhattar depýtattarynyń kezekti saılaýy 2021 jyly 10 qańtarda ótedi. Belsendi saılaý quqyǵyna ıe, saılaý kúni 18 jasqa tolǵan el azamattary óz tańdaýyn jasaı alady, dep habarlaıdy QazAqparat.

Saılaýshylar turǵylyqty jeri boıynsha daýys bere alady. Saılaýshylar tizimin jergilikti atqarýshy organdar qurady. Sondyqtan daýys beretin ýchaskeni aldyn ala bilip alý mańyzdy.

Nur-Sultan turǵyndary óziniń saılaý ýchaskesin (JSN, tegi, aty, ákesiniń aty jáne týǵan kúni nemese saılaýshy tirkelgen obektiniń (kóshe, úı) mekenjaıyn kórsetý arqyly) kelesi arnalar arqyly bile alady:

1. Ákimdiktiń astana.gov.kz veb-portaly . Basty bette «Óz saılaý ýchaskeńdi tap» bannerin basý kerek.

2. «Smart Astana» mobıldi qosymshasy («Qalalyq qyzmetter» bóliminde);

3. @smartastana_bot Telegram-boty arqyly («Qyzmetter» bóliminde).

Bul baılanys arnalary arqyly saılaý ýchaskesiniń nómirin, ortalyqtyń mekenjaıy men ataýyn, sondaı-aq kartada saılaý ýchaskesi ornalasqan jerdiń belgisin bilýge bolady.

Sondaı-aq ınternetke kire almaıtyn adamdar úshin iKomek 109 biryńǵaı baılanys ortalyǵy jumys isteıdi.

Esterińizge sala keteıik, elordada saılaý qarsańynda «Belsendi saılaýshy» aktsııasy bastaldy, onyń nátıjeleri 5 qańtarda shyǵarylady. Aktsııa sharttaryna sáıkes, saılaý ýchaskelerin onlaın-qyzmetter arqyly teksergen árbir bes myńynshy qoldanýshy estelik syılyqtarǵa ıe bolady.